ائرمنیستان اومید ائدیر کی، فران‌سا سلاحی قاراباغ‌دا ایستیفاده ائدیلمه‌یه‌جک.

آخار. آذ خبر وئریر کی، بونو ژورنالیستلره آچیقلاماسین‌دا ارمنیستان خاریجی ایشلر ناظیرلیینین مطبوعات کاتیبی آننا ناقدالیان دئییب. اونون سؤزلرینه گؤره، ارمنیستان رگیون‌دا سلاحلانما یاریشینی، او جمله‌دن فرانسا-آذربایجان حربی صنایع امکداشلیغینی «دقت‌ده ساخلاییر»:

«فئورالین ۵-ده ماکرون بیان ائتدی کی، فرانسا دیگر اؤلکه‌لردن فرقلی اولاراق، امبارقو ایله باغلی عهده‌لیکلرینه سرت عمل ائدیر. او، همچینین فرانسانین آذربایجانا قاراباغدا ایستیفاده‌سی اوچون سلاح وئرمیجیینی بیان ائدیب».

قید ائدک کی، «پاریس ائیر شوو – ۲۰۱۹»دا آذربایجان و فرانسانین سلاح ایستحصال‌چیلاری بیرگه سلاح ایستحصالی مسئله‌سینی موذاکیره ائدیبلر. بو ایسه ارمنیستان‌دا تشویشه سبب اولوب.