آنا صحیفه گوندم |
سون دؤنهملرده کؤرفز بؤلگهسینده آرتان گرگینلیک دونیانین دقتینی رگیونا یؤنلدی.
آمریکانین پیلیتوسوز اوچوش آپپاراتینین وورولماسی، عرب اؤلکهلرینه عایید گمیلره موداخیله ائدیلمهسی، بریتانییانین نفت تانکرینین دایاندیرلیماسی، ایرانا مخصوص تانکرین ایسه جبل الطاریق بوغازیندا اینگیلیسلر طرفیندن ساخلانماسی و نهایت سعودییه عربیستانین شرقینده یئرلشهن آرامکو-یا مخصوص نفت اعمالی موسسهسینین وورولماسی رگیوندا گرگینلیین یئنیدن آرتماسیندا رول اوینایان عامللردیر.
بوتون بو حادثهلر فونوندا آمریکا مرکزی کوماندانلیغی (سئنتکوم) کؤرفز، هؤرموز بوغازی، باب المندب بوغازی و عمان کؤرفزینده بین الخالق سولاردا تهلوکهسیز نفت ترانزیتینین تعمین ائدیلمهسی اوچون سنتینل اوپراتیون (نؤوبتچی عملیاتی) آدلی بین الخالق گوجلردن عبارت یئنی بیر لاییحهنین اوزرینده ایشلدیینی اعلان ائتدی. قئید ائدک کی، آمریکانین بو لاییحهسی فرانسا، آلمانییا و ایسپانییا طرفیندن قبول گؤرمهسه ده اینگیلتره، آوسترالییا، بحرین، ایسرایل، امارات و سعودییه عربیستانینین دستیینی قازانا بیلدی. ایرانین مؤوقعیی آمریکان لیدرلیینده کؤرفز بؤلگهسی و اطرافیندا فعالیتی پلانلانان بین الخالق دونانما قوهلرینین بیر ترکیب حیصهسی کیمی ایسرایلین ایشتیراکینی ایران مدافعه ناظری امیر حاتمی تخریباتچی بیر حرکت اولاراق دیرلندیرمیش و بئله بیر آددیمین رگیوندا داغیدیجی نتیجهلره گتیریب چیخارا بیلجیینه دقت چکمیشدیر.
عینی زاماندا، ایران پرزیدنتی حسن روحانی آمریکا لیدرلییندهکی اتفاقا قارشی بؤلگه اؤلکهلرینه ایرانین دوستلوق الینی اوزاتدیغینی و کؤرفز رگیونوندا تهلوکسیزلیین قورونماسی اوچون بیرلشمیش میللتلر تشکیلاتینا پلان تقدیم ائدجکلرینی قید ائتدی. آمریکا پرزیدنتی دونالد ترامپین سعودییه عربیستانی و اماراتا هاوا هجوموندان مدافعه مقصدیله موتخصص و علاوه تجهیزات گؤندرمه قرارینا ایران طرفی هر جور سنارییه حاضر اولدوقلارینی بیلدیرهرک جواب وئرمیشدی. توققوشما احتیمالی وارمی و مومکون نتیجهلری کؤرفزده باش وئرهجک هر هانسی بیر توققوشما هر ایکی طرف اوچون جدی ضررلرله نتیجهلهجک و بونو دقته آلان هر ایکی طرفین ده راسیونال داوراناجاغی داها منطیقه اویغوندور.
بونون اوچون بیر نئچه فاکتورا دقت یئتیرمهمیزده فایدا وار: هر شئیدن اول، توققوشما اولاجاغی حالدا دونیا بازاریندا نفتین کسکین شکیلده باهالاشماسی هم آمریکا، هم ده اونون متفیقلری اوچون جدی پروبلملر یاراداجاق. آمریکانین اؤنملی متفیقلری اولان یاپونییا، جنوبی کورئیا و هیندیستان کؤرفزدن گئدن نفت حسابینا اؤز نفت احتیاجلارینی قارشیلاییر. عینی زاماندا، ایران نفتینین اساس آلیجیسی کئچهن هفته ایران اقتصادیاتینا بؤیوک مبلغده اینوستیسییا یاتیراجاغینی بیلدیرهن چینین ده بو توققوشمایا سسسیز قالمایاجاغی اؤنجهدن معلومدور.
دیگر فاکتور، کؤرفزده باش وئرهجک توققوشمانین سادهجه کؤرفز سولاری ایله محدود اولمایاجاغی دا یوکسک احتیمالدیر. معلومدور کی، آمریکانین اوزون ایللر بویو تطبیق ائتدیی «بؤیوک ایستراتگییا» (گراند ایستراتگی) سیاستینین ان اؤنملی سوتونلاریندان بیری محض ایسرایلین تهلوکهسیزلیگیدیر. حماس-این ایرانلا علاقهلری و «حزبوللاه»این ایران مؤوقعینی جدی شکیلده مدافعه ائتمهسی محاربهنین ایسرایل جبههسینده یئنیدن آلوولانماسینا یول آچا بیلر. بوندان علاوه، یمهن و ایراق اوزرینده ده ایران تأثیرینی نظره آلساق داها گئنیش میقیاسلی توققوشمالار دا استثنا دئییل. آمریکانین کؤرفزده ایریمیقیاسلی حربی عملیاتلارا باشلاماسینی جیلوولایان ان اؤنملی فاکتور دا محاربهنین داها گئنیش رئگیونا یاییلما احتیمالیدیر. اوچونجو اؤنملی عامل کیمی مالییه ایتکیسی و تیجارت فاکتورونو قید ائده بیلریک. ترامپین مسئلهلره داها چوخ تیجاری نقطه نظردن باخدیغینی نظره آلساق و اساس اقتصادی رقیب اولاراق گؤردویو چینی موختلیف وئرگی روسوملارینی آرتیراراق گئریلتمهیه سی گؤستردیی بیر واختدا ایرانلا آچیق محاربهیه گیرمه احتیمالینین آز اولدوغو گؤرونور. ایرانلا اولاجاق توققوشما بؤیوک مبلغ طلب ائدجک و حادثهلرین هانسی آخاردا گئدجیینی ده معین ائتمک چتیندیر. سون فاکتور کیمی، کؤرفز رگیونونداکی عرب اؤلکهلری آراسیندا قارشیلیقلی ایناما دایانان مناسیبتلرین ضعیف اولماسی و ایرانا قارشی مؤقعلرینین فرقلی اولمالاریدیر. بیرلشمیش عرب امیرلیینین ایرانلا مناسیبتلری یومشاتماسی و یمن محاربهسیندن چکیلمهسی ایرانا قارشی مومکون اتفاق چرچیوهسینده اماراتنین مؤوقعینی سارسیدیر. ایرانلا امارات آراسینداکی تیجارته هر ایکی اؤلکهنین ماراقلی اولماسی دا اماراتین سعودییه عربیستانیندان فرقلی مؤقع سرگیلدیینی گؤستریر. دیگر طرفدن، کؤرفز بحرانی زامانی ایرانین دستیینی آلان و سعودییه عربیستانی ایله سویوق مناسیبتلری اولان قطرین ده بو اتفاقا قوشولماما احتیمالی یوکسکدیر. رگیونداکی هر اؤلکه ایله مثبت علاقهلری اولان اومان رهبرلیینین ده بو اتفاقدا یئر آلمایاجاغی دا بللیدیر. یوخاریداکی عامللری نظره آلدیقدا کؤرفزده ایریمیقیاسلی حربی عملیاتلارین باشلاما احتیمالینین آز اولدوغونو گؤروروک. ترامپین میللی تهلوکهسیزلیک موشاویری اولاراق بولتونون یئرینه دانیشیقلارا اؤنم وئرهن و داها ملاییم مؤقعیه صاحب روبئرت اوبریئنی تعیین ائتمهسی محاربه احتیمالینین آز اولدوغونا ایشارهدیر. آمریکانین کؤرفز سولاریندا تهلوکسیزلیین تعمینی اوچون بین الخالق دونانما فورمالاشدیرماسی ایسه ایرانلا محاربهیه حاضرلیق کیمی دئییل، ایرانا قارشی چکیندیریجی و داشیندیریجی گوج اولاراق قبول ائدیلمهلیدیر.
تاریخ
2019.09.25 / 15:40
|
مولف
Axar.az
|