آنا صحیفه گوندم |
آخار. آذ روس پولیتولوق و تاریخچی اولئق کوزنئتسوولا مصاحیبهنی تقدیم ائدیر:
– تورکییهنین سورییانین شیمالیندا باشلاتدیغی عملیاتلارا روسییادان باخیش نئجهدیر؟ عمومی منظرهنی نئجه تصویر ائدردینیز؟
– من بیر شئیدن امینم کی، کرئمل بو عملیاتدا ماراقلی دئییل و بوتون تماس خطلریندهکی رسمی نمایندهلرینه - سیاسی، دیپلماتیک، حربی - بو مسئلهده حددن آرتیق احتیاطلی اولمالاری بارهده خبردارلیق ائدیلیب. یعنی بو ایفادهلری روس کارگوزارلیق-بوروکراتیک دیلیندن روس دانیشیق دیلینه ترجمه ائتسهنیز، معلوم اولور کی، روسییانین سیاسی ائلیتاسی تورکییه سلاحلی قوهلرینین بو حربی عملیاتی ایله تانیشدیر و بو مسئلهده آنکارایا خاص اولان انتوزیازمی بؤلوشمورلر. سورییاداکی حربی گرگینلیین آرتدیغی آچیق شکیلده اورتادادیر، بو، اؤلکهدهکی روس قوشونلاری قروپونو ناراحات ائتمهیه بیلمز. لاکین یئنی باشلایان حربی عملیاتلار زوناسی جوغرافی جهتدن روس بازالاریندان و سورییاداکی روس حربچیلرینین مسئولیت بؤلگهلریندن اوزاق اولدوغوندان، موسکوا طرفیندن هئچ بیر اعتراض یوخدور. بونا گؤره ده موسکوا رسمی آنکارانی تمکینلی اولماغا چاغیریر، دوزو، روسییا وضعیته بیرباشا تأثیر ائتمک اوچون رئال ایمکانی اولمادیقدا همیشه بئله داورانیر.
– آستانا فورماتی چرچیوهسینده تورکییله سورییا مسئلهسینده آکتیو امکداشلیق ائدن روسییانین بو عملیاتدا آنکارایا دستیی نه قدر رئالدیر؟
– سورییاداکی روس حربی قروپلارینین بو عملیاتین آپاریلماسیندا تورک قوشونلارینا بیرباشا حربی و یا حربی-تئکنیکی یاردیم گؤسترمیجییندن امینهم. لاکین سورییانین شیمالینداکی بئینلخالق تئررورچولارلا علاقهلی کشفیات معلوماتلارینین موبادیلهسی گؤزلهنیلهندیر. بونون خصوصیله ده آبش-این اننوی اولاراق دستکلدیی اراضیلرین تامامیله تمیزلنجیی گونه قدر داوام ائدجیینی استثنا ائتمیرم. چونکی بو، هم روسییا، هم ده تورکییه حربچیلرینین اساس مقصدیدیر. رسمی آنکارا موسکوانین تاممیقیاسلی سیاسی دستیینی یالنیز او زامان آلا بیلر کی، عملیاتی حیاتا کئچیررکهن اولجهدن اعلان ائدیلمیش پارامئترلردن کنارا چیخماسین و اعلان ائدیلمیش هدفلرینه چاتسین. بوتون باشقا حاللاردا، روسییادا دئییلدیی کیمی، «موختلیف واریانتلار» مومکوندور.
– بو عملیاتین مدتینی و نتیجهلرینی نئجه پروقنوزلاشدیریرسینیز؟
– بونونلا باغلی هر هانسی بیر پروقنوز وئرمکدن چکینیرم، چونکی محاربه چوخ مورککب بیر مسئلهدیر و عملیاتلار تئاترینداکی وضعیتی دقیق بیلمهدن نسه دئمیین دوزگون اولمادیغینی دوشونورهم. حاضردا دؤیوشهن طرفلرین حربی-تئکنیکی تارازلیغینی، عملیاتین میقیاسینا و واختینا طبیعی و ایقلیم عامللرینین تأثیرینی دقیق شکیلده قیمتلهندیره بیلمیرم. آنجاق بیرمعنالی اولاراق بیر شئیی دئیه بیلرهم - تورکییه حربی قوهلری عملیات اراضیسینی چوخ یاخشی تانیییر، چونکی اونونلا همسرحددیر، تورک قوشونلاری محض بئله شرایطده حربی عملیاتلار کئچیرمهیه حاضیرلاشدیریلیب، بو عملیاتا حاضرلیقلار بیر آی دئییل، بلکه ده بیر ایلدهن چوخ آپاریلیب. بونا گؤره ده دوشونورهم کی، تورکییه حربی کوماندانلیغی بوتون مومکون ریسکلری، دؤیوشلرده ایشتیراک ائدن قوشونلارین احتیاجلارینی، ئسورسلارینی، دؤیوش سورساتلاری، حادثهلرین اینکیشافی اوچون موختلیف سناریلری اولجهدن حسابلاییب، اؤز هوجوملارینا و دوشمهنینین رئاکسییاسینا اویغون اولجهدن تدبیرلر گؤروب، بیر سؤزله، محاربهیه تام حاضر وضعیتدهدیر. ماکسیموم نتیجهنی ان قیسا زاماندا گؤرمک ایستردیم، اما محاربهده همیشه بئله اولمور.
تاریخ
2019.10.11 / 09:39
|
مولف
Axar.az
|