آمریکا سناتینین «ارمه‌نی سویقیریمی» قطعنامه‌سینی تصدیقله‌مه‌سی گؤزله‌نیلن ایدی.

آخار. آذ خبر وئریر کی، بونو آنالیتیک ائلخان شاهینوغلو قید ائدیب. او، اؤتن گون قطعنامه‌نین قبول ائدیلمه‌سینین ایکی اساس سببی اولدوغونو بیلدیریب:

«بیرینجی سبب او ایدی کی، نماینده‌لر پالاتاسی «ارمنی سویقیریمی» قطعنامه‌سینی بؤیوک سس چوخلوغو - ۴۰۵ سسله قبول ائتمیشدی. قطعنامه‌یه هم دموکراتلار، هم ده رسپوبلیکاچیلار بیرگه سس وئرمیش‌دیلر، یعنی ارمنی مسئله‌سین‌ده بیر-بیری ایله مباریزه آپاران ایکی پارتییا کونسنسوس الده ائتمیشدی. ایکینجیسی، باخمایاراق کی، سناتدا رسپوبلیکاچیلار چوخلوقدادیر، اونلار دا تورکییه‌نین روسییا ایله امکداشلیغیندان، اس-۴۰۰ راکتلرینین آلینماسین‌دان ناراضیدیرلار. یعنی دموکراتلار و رسپوبلیکاچیلار معلوم قطعنامه‌نی ارمنیلری سئودیکلرینه گؤره قبول ائتمه‌ییبلر. اونلارین اساس هدفی قبول ائدیله‌ن قطعنامه واسطه‌سیله تورکییه‌نی جزالاندیرماقدیر».

ائ.شاهینوغلو «ارمنی سویقیریمی» مسئله‌سینین بو گونه قدر موختلیف دؤولتلر طرفین‌دن قبول ائدیلدیینی، لاکین بونون تورکییه‌یه تأثیری اولمادیغینی خاطیرلادیب:

«اؤزلری چالیب، اؤزلری اویناییرلار» سؤزلری تورکییه پرزیدنتی رجب طیب اردوغانا مخصوص‌دور. بو گونه قدر اونلارلا دؤولت «ارمنی سویقیریمی» قطعنامه‌سینی قبول ائدیب. بو، تورکییه‌نین سیاستینه ذره قدر ده تأثیر ائتمه‌ییب. ترامپ تورکییه ایله سیخ مناسیبتلرین طرفداری‌دیر. آنجاق تورکییه اس-۴۰۰ راکتلرین‌ده گئری آددیم آتمادیغینا گؤره ترامپین هانسی قرار وئرجیینی سؤیله‌مک چتیندیر. آنجاق نه واختسا هانسیسا آمریکا پرزیدنتی «ارمنی قطعنامه‌سی»نه ایمضا آتاجاق».

اکسپرت سؤزوگئدن قطعنامه‌نین تورکییه-آمریکا مناسیبتلرینه بؤیوک ضربه ووردوغونو سؤیله‌ییب:

«آمریکا بو جور سیاستی ایله تورکییه‌نی سرعتله ایتیریر. تورکییه‌ده حاکمیت‌ده اردوغانین یئرین‌ده گله‌جکده کیم اولسا بئله، درین یارالار آلان تورکییه-آمریکا مناسیبتلرینی یئنی‌دن ایستراتژی طرفداشلیق سوییه‌سینه قالدیرماق چتین اولاجاق».

آنالیتیکین سؤزلرینه گؤره، «ارمنی سویقیریمی» قطعنامه‌سینه سس وئره‌ن زهنیت داغلیق قاراباغ مناقیشه‌سینین حلین‌ده عدالتلی مؤقع سرگیله‌یه بیلمز:

«بو تک آمریکایا عایید دئییل، مناقیشه‌نین حلی ایله مشغول اولان دیگر ایکی همصدر دؤولت - فرانسا و روسییا پارلامنتلری ده کئچمیش ایللرده عینی قطعنامه‌یه سس وئریبلر».

قید ائدک کی، آمریکا سناتی اؤتن گون قوندارما ارمنی سویقیریمی قطعنامه‌سینی لاییحه‌سینی قبول ائدیب. قطعنامه لاییحه‌سی ایمضالانماسی اوچون آمریکا پرزیدنتی دونالد ترامپا تقدیم ائدیله‌جک.