آمریکا فاکتیکی اولاراق ایرانا «کؤلگه محاربه‌سی» اعلان ائدیب. واشینگتن بو یوللا ایرانی اقتصادی و سیاسی باخیم‌دان چؤکدورمه‌یه چالیشیر.

بو سؤزلری آخار. آذ-آ آچیقلاماسین‌دا سیاسی-اکسپئرت وقار زیفروغلو آمریکا پرزیدنتی دونالد ترامپین ایران گمیلرینی محو ائتمک تاپشیریغی وئرمه‌سینی شرح ائدرکه‌ن دئییب. او وورغولاییب کی، ۱۹۷۹-جو ایلده باش وئره‌ن ایران ایسلام اینقیلابین‌دان سونرا آمریکا-ایران مناسیبتلرین‌ده دایم گرگینلیک مشاهده ائدیلیب:

«بونون هم داخلی، هم ده خاریجی سببلری وار. بئله کی، هر ایکی اؤلکه‌نین لیدرلری بو قارشی‌دورمادان داخلی آودیتورییالارینین رغبتینی قازانماق، همچینین رگیون‌دا نفوذ صاحبی اولماق اوچون ایستیفاده ائدیب. حاضیرکی پروسئسلری ده بو کونتئکسدن دیرلندیرمک لازیم‌دیر».

اکسپرتین سؤزلرینه گؤره، ترامپ قارشی‌دان گلن پرزیدنت سئچکیلرینه راحت قاتیلماق اوچون ایران کارتیندان ایستیفاده ائدیر:

«بیلدیینیز کیمی، قارشی‌دان آمریکا پرئزیدئنت سئچکیلری گلیر و ترامپ بو سئچکیلره چوخ بؤیوک حاضرلیق گؤرور. ترامپ سئچکیلره راحت، آرخایین گئتمک ایستییر. بونون اوچون ایسه داخیلی آودیتورییانین گؤزونده اؤزو حاق‌دا قهرمان، خیلاسکار ایمیجی فورمالاشدیرماغا چالیشیر. ایرانلا مناسیبتلر آمریکا اوچون پرینسیپیال اهمیت داشیییر. خصوصیله مؤوجود گرگین‌لیک ترامپ آدمینیستراسییاسینین حاکمیتی دؤورونده فرقلی بیر حال آلدی. بیر نؤع ترامپ ایران مناسیبتلرینی واختاشیری گرگینلشدیره‌رک داخلی آودیتورییانین هم فیکرینی یاییندیرماغا، هم ده اؤز شخصی ایمیجینی یوکسلتمه‌یه چالیشیر».

اکسپئرت قید ائدیب کی، آمریکا ویانا راضیلاشماسیندان چیخاجاغینی اعلان ائد‌ن‌دن سونرا ایرانا قارشی ۴ ایستیقامت‌ده حمله‌لر ائتمه‌یه باشلاییب:

«۱. اقتصادی سانکسییالارین تطبیق ائدیلمه‌سی ایله ایران اقتصادیاتینی چؤکدورمک. فاکتیکی اولاراق آمریکا ایران اقتصادیاتینی دارماداغین ائد‌رک بونا نایل اولوب. ۲. ایرانین بین الخالق عالم‌دن تجرید ائدیلمه‌سی. بو ایستیقامت‌ده آمریکا معین اوغورلار قازان‌دی.

۳. ایرانین داخیلین‌ده ثابیتلیین پوزولماسی. آمریکا بو مسئله‌ده ده معین اوغورلار قازانا بیلیب. سون بیر نئچه ایلده ایستر اقتصادی، ایسترسه ده سوسیال سببلردن داخیل‌ده‌کی ائتنیک قروپلار باش‌دا اولماقلا، نارازی کوتله‌لر فورمالاشماغا باشلادی. بو ایسه ایران اوچون جدی پروبلئم دئمک‌دیر. ۴. ایرانین یاخین شرق‌ده‌کی مؤقعلرین‌دن سیخیشدیریلیب چیخاریلماسی. بو پروسئس کئچه‌ن ایلین اوللرین‌دن باشلادی. ایرانین یمه‌ن، ایراق، سورییا، حتی لیوان‌داکی مؤقعلرینه جدی ضربه‌لر ائندیریل‌دی. خصوصیله سئپاه گنرالی قاسم سلیمانینین اؤلدورولمه‌سی ایرانین رئگیون‌دا مؤوقعینه جدی ضربه ووردو. بو ۴ ایستیقامت حاضردا آمریکانین ایرانا قارشی باشلاتدیغی «کؤلگه محاربه‌سی»نین منطیقی یئکونودور».