اینانمیرام کی، سوپرگوجلر ایرانین غرب و شرق اؤلکه‌لرینه وئردیی بؤیوک فایدالاری گئری چئویریب، اونون هانسی‌سا حیصه‌سینی الده ائتمک اوچون حربی داخیله ائتسینلر.

بو سؤزلری آخار. آذ-آ آچیقلاماسین‌دا ایرانین تانینمیش سیاسی اکسپرتلریندن مهدی نعیمی آمریکانین سابیق دؤولت کاتیبی هئنری کیسسنجرین ایرانی ایشغال ائد‌جکلری ایله باغلی فیکیرلرینه مناسیبت بیلدیررکه‌ن دئییب.

او بیلدیریب کی، آمریکا حاضردا ایران‌دان بؤلگه اؤلکه‌لری ایله مناسیبتلرین‌ده داها چوخ یارارلانیر:

«اولجه باخاق، گؤرک، ایرانین ایندیکی دورومو، رژیم آدینا یورودولن و آپاریلان سیاستلر حاضردا سوپرگوجلرین، اؤزللیکله آمریکانین خئیرینه‌دیر، یا ضررینه؟ ایرانین سیاستی سایه‌سینده آمریکا ایران‌دان، لورو دیلده دئسک، "خوخان" یارادیب و قونشو اؤلکه‌لری، او جمله‌دن بصره کؤرفزی دؤولتلرینی «ساغماق»دادیر. میلیاردلارلا دلار دیرینده سلاح ساتیشی سؤزده ایران قورخوسو سببی ایله حیاتا کئچیریلیر. سعودییه عربیستانی، به، بحرین، کویت و بو کیمی دیگر اؤلکه‌لر ایران تهلوکه‌سین‌دن قورونماق اوچون آمریکانین حمایه‌سینه کئچیبلر و سیاستلرینی ده بونا اساساً نیظاملاییرلار. بو قدر سؤزباخان اؤلکه‌لری بوش-بوشونا قورخو کؤلگه‌سین‌دن چیخارماق ایستیرلرمی؟»

اکسپرت بیلدیریب کی، ایرانین ایشغالی دا آسان پروسس دئییل:

«چونکی اؤتن ایللرده ایران ایسلام رسپوبلیکاسی رادیکال مذهبچیلری یوکسک درجه‌ده تشکیلاتلاندیریب. بونلار هم ایران‌دا، هم ده باشقا اؤلکه‌لرده مؤوجوددور. اونلار دا یا اینانجلارینا اساس‌لاناراق، یا دا ایران‌دان آلدیقلاری مواجیبه گؤره بو یول‌دا جانلارین‌دان کئچمه‌یه حاضیردیرلار. بئله آداملارین مؤوجودلوغو آمریکانین ایرانی ایشغال پلانینی حیاتا کئچیرمه‌سینه دوغرو آددیملاری زامانی «خرجینی» آرتیرا بیلر».

مهدی نعیمی بیلدیریب کی، ایران‌دان فایدالانان نهنگ اؤلکه‌لر اونو آمریکایا یئم ائتمز:

«دیگر مسئله ایسه بودور کی، ایران دا یالنیز دئییل. ایرانین دا آمریکایا قارشی مقاومت گؤسترمه‌سی اوچون دایاندیغی باشقا سوپئرگوجلر وار. روسییا، چین اؤز منفعتلرینی تعقیب ائتسه‌لر ده، ایرانی بیر یئم کیمی آمریکانین قارشی‌سینا بوراخمازلار. دوغرودور، اونلار ایرانین آلا گؤزونه آشیق دئییللر. آنجاق بو اؤلکه‌لرین ده اؤز منفعتلری وار و حاضردا ایرانین اونلارا بؤیوک فایداسی دییر. بو ادعالار راحت سس‌لنه بیلر، آنجاق حیاتا کئچمه‌سی هئچ ده آسان دئییل».

اکسپرت ایرانین چؤکوشونون داخیل‌دن باش وئرمه احتیمالینین داها بؤیوک اولدوغونو وورغولاییب:

«ایرانین داغیلماسی کنار موداخیله‌لردن داها چوخ ایچریدن اولا بیلر. یعنی ایرانین اؤز اهالی‌سی حاکمیتدن اینجیدیکلرینه گؤره آرخا چئویردیی زامان رژیمین سوتونلاری تیتره‌یه بیلر. بو، تهران اوچون خاریجی گوجلرین هجومون‌دان داها قورخولو اولار».