آمریکاین ایرانا حربی موداخیله ائدجیینی دوشونموره‌م. اگر بئله بیر حال اولسا، آمریکانی اس اس ار ای-نین افغانیستان‌داکی عاقیبتی گؤزلییر. بونا گؤره ده بیرمعنالی اولاراق دئیه بیلره‌م کی، آمریکا ایرانا حربی مداخیله ائتمه‌یه‌جک.

بو سؤزلری آخار. آذ-آ آچیقلاماسین‌دا سیاسی اکسپرت ووقار زیفروغلو آمریکانین سابیق دؤولت کاتیبی هنری کیسسینجرین ایرانی ایشغال ائد‌جکلری باره‌ده آچیقلاماسینی شرح ائدرکن دئییب. او وورغولاییب کی، معاصر دؤورده دؤولتلرین بیر-بیرینی تأثیر آلتینا آلماسی اوچون بیرباشا حربی یولا ال آتماسی شرط دئییل:

«بونون ان باریز نمونه‌سی محض آمریکادیر. آمریکا دونیانین ایسته‌نیله‌ن نقطه‌سینده اولان اؤلکه‌نی اؤز تأثیر دایره‌سینه سالماق اوچون اقتصادی- سیاسی یوللارلا تضییقلر ائدیر. بو معنادا دوشونوره‌م کی، هنری کیسسینجر «یاخین شرق‌ده ۷ اؤلکه‌نی ایشغال ائتمک مجبوریتین‌ده قالدیق» ایفاده‌سی ایله یالنیز حربی ایشغالی نظرده توتماییب. بو گون آمریکا فاکتیکی اولاراق یاخین شرقی اؤز تأثیری آلتین‌دا ساخلاییر. عراق آمریکا اوچون یاخین شرقین قاپیسی ایدی. واشینگتن عراقا مداخیله‌دن سونرا دیگر اؤلکه‌لری ده نظارت آلتینا آلا بیلدی».

اکسپئرتین سؤزلرینه گؤره، ایرانی سؤزوگئدن ۷ عرب اؤلکه‌سی ایله بیر توتماق دوزگون دئییل:

«هنری کیسسینجرین «ایرانی ایشغال ائتمک اوچون یالنیز بیر آددیم قالیب» ایفاده‌سی ایله راضیلاشمیرام. چونکی ایران هر هانسی بیر عرب اؤلکه‌سی دئییل. ۱۹۷۹-جو ایل ایسلام اینقیلابینا قدر ایران فاکتیکی اولاراق غربین تأثیری آلتین‌دا ایدی. دیگر طرفدن ایرانین داخیلینده خاریج‌دن دوغان بیر دقراداسییا گئدیردی. یعنی غربه مئییل ائتدیی اوچون شاها نیفرت واردی. باخ بو وضعیت ایران اینقیلابینین دوغماسینا زمین یاراتدی. نتیجه‌ده ایران‌دا شاه رژیمینی ملا رژیمی عوض ائتدی. لاکین غربین، خصوصاً ده بو اینقیلاب‌دا خصوصی پایا صاحب اولان آمریکانین حسابلامادیغی بعضی نوانسلار اوزه چیخدی. ایران‌دا حاکمیته گلن سیاسی ائلیتا رگیون اوچون و خصوصیله آمریکا اوچون جدی تهلوکه‌یه چئوریلدی. یئنی سیاسی ائلیتا اؤزونه ایکی اساس سیاسی کورسو سئچدی: ۱. ایران‌دا حاکم شیعه ایدئولوگییاسینی رگیونا ایخراج ائتمک؛ ۲. سعیونیزمه قارشی مباریزه آپارماق.

بو گون فاکتیکی اولاراق آمریکا بو تهلوکه‌نی حس ائدیر. ایرانین یاخین شرق‌ده آپاردیغی «شیعه حیلالی» پلانی آمریکانین رگیون‌داکی ماراقلارینا تهلوکه تؤره‌دیر. بو معنادا آبش ایرانین ایشغالی اوچون موختلیف پلانلار حاضیرلاییر. لاکین آمریکانین ایرانی حربی باخیم‌دان ایشغال ائتمه‌سی هئچ ده رئال دئییل».

اکسپئرت کیسسینجرین «چین و روسییا یوخودان اویانان‌دا اوچونجو دونیا محاربه‌سی باشلایاجاق» فیکیرلرینه ده مناسیبت بیلدیریب:

«معین معنادا دئمک اولار کی، روسییا رگیون‌دا آمر یکانین قارشی‌سینی آلماق اوچون گئجیکیب. لاکین چین اوچون بونو دئمک هله تئزدیر. مؤوجود کوروناویروس پادمییاسی و آمریکانین بونونلا باغلی چینه تضییقلری بیر داها ثبوت ائدیر کی، واشینگتن پکینی بو سیاسی اویوندان کنارلاشدیرماق ایستییر و منجه، پاندمییا بیر مدت چینین آمریکانین «آیاغینا دولانماسینا» مانع اولاجاق».