یونانیستان و تورکییه مناسیبتلرینین یئنی‌دن گرگینلشمه‌سی آرزو اولونان دئییل. خصوصیله ده رسمی آفینا اوچون بو، فلاکته سبب اولا بیلر. چونکی تورکییه سون ۱۰ ایلده دئدیی هر شئیی ائتمیی باجاریب. آفینانین آنکارانی حده‌له‌مه‌سی ایسه بوش تهدیددن باشقا بیر شئی دئییل.

بو سؤزلری آخار. آذ-آ آچیقلاماسین‌دا گلوبال و رگیونال تهلوکه‌سیزلیک پروبلملری مرکزینین رهبری، پولیتولوق قابیل حسین‌لی سون گونلر یونانیستان و تورکییه مناسیبتلرینین یئنی‌دن گرگینلشمه‌سینی شرح ائدرکه‌ن دئییب. او بیلدیریب کی، مؤوجود وضعیت‌ده ایکی ناتو اؤلکه‌سینین اوز-اوزه گلمه‌سی ایستر آلیانس، ایسترسه ده رئگیون اوچون مثبت هئچ نه وعد ائتمیر:

«خصوصیله یونانیستانین سون ایللرده تورکییه‌یه قارشی سرت مؤوقعیی و عونوان‌لی مئساژلاری طرفلر آراسین‌دا گرگین‌لیگی آرتیرماق‌دان باشقا بیر ایشه یارامیر. تورکییه ده یونانیستانین حده‌لرینی جواب‌سیز قویمور. بیر مدت اؤنجه یونانیستانین مدافعه ناظری اؤلکه‌نین ماراقلاری نامینه لازیم گلرسه، تورکییه ایله محاربه‌یه حاضر اولدوقلارینی سؤیلمیشدی. تورکییه پرزیدنتی رجب طیب اردوغان یونان ناظرین تهدیدلرینه جواب اولاراق «یونانیستان حدینی بیلمه‌سه، تورکییه‌نین نه ائدجیی بللی‌دیر» جوابینی وئردی. طرفلرین بیر-بیرینه قارشی بو جور سرت حده‌لر سسلندیرمه‌سی رگیون اوچون هئچ ده آرزوولونان منظره دئییل».

قابیل حسینلینین سؤزلرینه گؤره، آیا صوفیانین یئنی‌دن مسجید کیمی فعالیته باشلاماسی خبری یونانلارین حیددتینه سبب اولوب:

«یونانیستان و تورکییه تاریخ بویو اولدوزلاری باریشمایان ایکی اؤلکه‌دیر. طرفلر آراسین‌دا اؤتن عصرده ایریلی-خیردالی بیر نئچه محاربه و مناقیشه اولوب. سون ۵ ایل عرضین‌ده ایسه طرفلرین مناسیبتلرینین یئنی‌دن گرگینلشمه‌سی مشاهیده اولونور. خصوصیله تورکییه‌نین رگیون‌دا گوجله‌نمه‌سی، سورییا، لیوییا و عراق‌دا اوغورلو حربی عملیاتلار آپارماسی یونان طرفینی ناراحات ائد‌ن عامللردن‌دیر. رس‌می آفینا تورکییه‌نین بیر گون ۱۲ آدا مسئله‌سینی گون‌ده‌مه گتیرمه‌سین‌دن احتیاط ائدیر. محض بو ناراحات‌لیق تورکییه‌نین آتدیغی هر آددیم‌دا یونان طرفینین عکس مؤقع‌ده دورماسینا گتیریب چیخاریب. تورکییه‌نین آرالیق دنیزین‌ده هیدروکاربون یاتاقلاری آختاریشی و بو مسئله‌ده شیمالی کیپر و لیوییا ایله اوغورلو رازیلاشما الده ائتمه‌سی یونانیستانین ماراقلارینا ضیددیر. مسئله ایله باغلی رسمی آفینانین تورکییه ایله دیپلماتیک دانیشیقلارا باشلاماق یئرینه محاربه ایله حده‌له‌مه‌سی ایسه مناسیبتلری داها دا کسکینلشدیریب. بو گون فاکتیکی اولاراق ایکی اؤلکه آراسین‌دا محاربه طبلی چالینیر. بونونلا بئله، ایکی ناتو اؤلکه‌سینین محاربه ائتمه‌سی نه رگیونون، نه ده بؤیوک گوجلرین ماراقلارینا اویغون‌دور. دوشونوره‌م، طرفلر پروبلمی دانیشیقلار یولو ایله حل ائد‌جکلر. رسسی آفینانین ایسه تورکییه‌نین عونوانینا سسلندیردیی سرت سیاسی مئساژلاری سنگیمه‌لیدیر. چونکی تورکییه اؤتن عصرده‌کی کیمی دئییل و ایکی اؤلکه آراسین‌دا احتیمال بیر محاربه یونانیستان اوچون داها تهلوکه‌لیدیر».