آنا صحیفه گوندم |
ایران پرزیدنتی آدمینیستراسییاسینین رهبری محمود واعظی ایله آذربایجان رسپوبلیکاسی باش ناظرینین معاوینی شاهین مصطفییئو آراسیندا تلفن دانیشیغی اولوب.
آخار. آذ خبر وئریر کی، تلفن دانیشیغیندا م. واعظی قید ائدیب:
«اؤلکهلرین، او جملهدن آذربایجان رسپوبلیکاسینین اراضی بوتؤولویونون قورونماسی ایران ایسلام رسپوبلیکاسینین رگیونال ایستراتگییاسی اولوب و اولاجاق. تهران-باکی مناسیبتلرینین هرطرفلی اینکیشافی، گوجلندیریلمهسی و محکملندیریلمهسی ایستیقامتینده سعیلرین ضروریلیینه تاکید ائدیریک».
پرزیدنت آدمینیستاسییاسینین رهبری ایکی اؤلکه علاقهلرینین موختلیف ساحهلرده گئنیشلندیریلمهسی ایستیقامتینده سعیلرین ضروریلیینه ایشاره ائدرک دئییب: «قونشولار ایله علاقهلرین اینکیشافی ایرانین خاریجی سیاستینین اساس پرینسیپلریندن حساب اولونور و بو ساحهده تهران-باکی هرطرفلی امکداشلیقلارینین و مناسیبتلرینین داها دا اینکیشافینا، گوجلهنمهسینه، محکهملهنمهسینه هازیریق».
پرزیدنت آدمینیستراسییاسینین رهبری وورغولاییب کی، ایران مسئلهلرین و ایختیلافلارین سیاسی حل یوللاری و مذاکیرهلرله حلینه دایم تاکید ائدیر و یارانمیش پروبلئمین گوج تطبیق ائتمهدن حل اولوناجاغینا اومید ائدیر.
اؤز نؤوبهسینده شاهین مصطفییئو ایران دؤولتینین و خالقینین باش وئرهن حادثه ایله باغلی باشساغلیغینا گؤره تشکر ائدیب: «ایرانین اؤلکهلرین، او جملهدن آذربایجان رسپوبلیکاسینین اراضی بوتؤولویونون قورونماسینا مناسیبتده مؤوقعیی دایم احتیراما لاییق اولوب».
باش ناظرین معاوینی همچینین ایکی اؤلکه آراسیندا هرطرفلی امکداشلیقلارین و موناسیبتلرین اینکیشافینا مناسیبتده ایرانین سعیلرینه گؤره تشککور ائدرک، ایکی اؤلکه رسمیلرینین بو ایستیقامتده داها چوخ سعیلرینین ضروریلیینه تاکید ائدیب».
طرفلر کوروناویروس پاندمییاسینین مؤوجودلوغونا باخمایاراق، ایکی اؤلکهنین تیجارت مبادیلهسینین برقرار اولونماسینا ایشاره ائدرک، سرحدلرین آچیق اولماسی اوچون رسمیلرین سعیلریندن، ائلجه ده سون آیلاردا ایکی اؤلکهنین تیجارت مبادیلهسینین ۱۴% آرتدیغیندان ممنونلوق ایفاده ائدیبلر.
واعظی و شاهین مصطفییئو همچینین ایران و آذربایجان رسمیلرینین آوتومبیل و دمیر یولو علاقهلرینین گئنیشلندیریلمهسی، شیمال-جنوب دهلیزینین تکمیللشدیریلمهسی ایله باغلی ایکی اؤلکهنین مشترک سرهددینده فیکیر مبادیلهسی، دانیشیقلارینا ایشاره ائدرک، مناسیبتلرین و علاقهلرین کورونا خستهلیینین یاییلماسیندان اوولکی وضعیته تئزلیکله قاییتماسینا اومید ایفاده ائدیبلر.
تاریخ
2020.07.14 / 00:11
|
مولف
Axar.az
|