آنا صحیفه گوندم |
رسمی ایروان اؤلکهده کووید-۱۹ پاندمییاسی و اقتصادی بحرانلا علاقدار یارانمیش دورومو اؤرت-باسدیر ائتمک اوچون و داخیلی ایجتیماعیتین دقتینی باشقا سمته یؤنلتمک اوچون بئله بیر تخریباتا ال آتیب.
بو سؤزلری آخار. آذ-آ تورکییهلی سیاسی شرحچی حسن اوقتای ارمنیلرین توووز تخریباتینی شرح ائدرکهن دئییب.
«ارمنیستانین آذربایجانین توووز رایونو ایستیقامتینده آتشکهسی پوزماسی نتیجهسینده ۴ آذربایجان عسگرینین شهید اولماسی و ۴ عسگرین یارالانماسی خبری یاییلدی، لاکین ائرمنیستان طرفی ایتکیلری حاقدا هئچ بیر رسمی معلومات وئرمهدی. بو اؤزو بؤیوک بیر سوال دوغورور»، – دئیه اکسپئرت بیلدیریب.
اونون سؤزلرینه گؤره، ارمنیستانا بو جسارتی روسییانین وئردیینی سؤیلهیهنلر آز دئییل:
«روسییا ایله تورکییه مناسیبتلرینده یاشانان سویوقلوغون نتیجهسی اولاراق رسمی کرئملین تورکییهیه قاراباغ جبههسینده جواب وئردیینی سؤیلهیهنلر ده وار. خصوصیله آیا صوفیانین موزئیدن مسجیده چئوریلمهسی روسییا طرفیندن ایستی قارشیلانمادی، آنجاق خصوصیله کیلسه موحیطی و داخیلی ایجتیماعیت بو ایدئیایا رئاکسییا وئردی. روسییانین ارمنیستان اوزرینده تورکییهیه جواب وئردیینی دوشونسک، بو قارشیدورما چوخ چکمهیهجک. بونونلا دا روسییانین داخیلی ایجتیمایتی راحاتلاشاجاق و ارمنیستان بیر نئچه آی بو قارشیدورمادان ایستیفاده ائدرک اؤلکه داخیلینده راحت تبلیغات آپاراجاق».
تاریخ
2020.07.14 / 09:58
|
مولف
Axar.az
|