آذربایجان یازیچیلار بیرلیگی (آیب) آذربایجان-ارمنیستان دؤولت سرحددینین توووز رایونو ایستیقامتین‌ده بدنام ارمنی حربی قوه‌لری طرفین‌دن تؤره‌دیله‌ن قانلی تخریباتلا باغلی بیانات یاییب.

آخار. آذ بیاناتین متنینی تقدیم ائدیر:

«بوگونلرده آذربایجان-ارمنیستان دؤولت سرحددین‌ده، توووز رایونو ایستیقامتین‌ده ارمنی طرفینین تؤرتدیی نؤوبتی قان‌لی تخریبات بوتون خالقیمیز کیمی، آذربایجان یازیچیلار بیرلیین‌ده ده درین ناراحات‌لیق و دوشمه‌نه قارشی بؤیوک حیددت دوغوردو.

قدرت‌لی آذربایجان اوردوسونون آزغین تجاووزکاری گئری اوتورتماسی، جسور حربچیلریمیزین ایشغالچینی جدی ایتکیلره معروض قویاراق بو تخریباتین قارشی‌سینی آلماسی بیزده سون‌سوز اینام و غرور حسی یاراتدی.

دوشمنین بو تخریبات‌چی حمله‌سینی دفع ائدرکه‌ن ۴ قهرمان آذربایجان اؤولادینین شهید اولماسینی، بیر نئچه ایگید حربچیمیزین یارالانماسینی ایسه اورک آغری‌سی ایله قارشیلادیق. شهیدلریمیزه الله‌دان رحمت، یارالیلاریمیزا شفا دیلییریک.

ان بؤیوک تسللیمیز بودور کی، آذربایجان پرزیدنتی، عالی باش کومان‌دان جناب ایلهام علیئوین بیلدیردیی کیمی، حرب‌چیلریمیزین قیصاصی آلینیب، مقدس دؤولت سرحددیمیز قورونوب و دوشمن عسگرلری تورپاقلاریمیزین بیر قاریشینا دا آیاق باسا بیلمه‌ییب.

آذربایجان یازیچیلار بیرلیگی اولاراق، بو ناراحات گونلرده دؤولتیمیز، خالقیمیز و اوردوموزلا اورک‌دن همرلی اولدوغوموزو بیان ائدیر، قهرمان آذربایجان اوردوسونا داها یوکسک غلبه عزمی، پارلاق ظفرلر آرزولاییریق!

عینی زامان‌دا، ایشغال‌چی ارمنیستانین بو چیرکین و قان‌لی تخریباتینی قطیعتله پیسلییر، بین الخالق ایجتیماعیتی، خصوصاً، بوتون دونیاداکی همکارلاریمیزی، صلح‌ سئور، عدالتپرور قلم آداملارینی آذربایجانین حاق ایشینه فعال دستک وئرمه‌یه، تجاووزکارین جیلوولانماسی اوچون سعی گؤسترمه‌یه چاغیریریق!».