آنا صحیفه گوندم |
آخار. آذ تورکییهلی پولیتولوق، بین الخالق علاقهلر اوزره متخصص، بولتورک-اون آنکارا تمثیلچیسی ایسماییل جینگؤزون توووز بؤلگهسینده باش وئرهن حربی عملیاتلارلا باغلی مصاحیبهسینی تقدیم ائدیر:
- آذربایجانین توووز بؤلگهسینده ائرمهنی تخریباتی ایله باغلی باش وئرهنلری یقین کی، ایزلییرسینیز...
- ایولون ۱۲-ی گونورتادان سونرا ارمنی سلاحلی قوهلری آذربایجان-ارمنیستان آراسینداکی آتشکهسی پوزاراق توووز بؤلگهسینه هوجوملار تشکیل ائدیب. بو اولایین آردینجا دا ارمهنیلرین آتشکهسی پوزماغا داوام ائتدیینی ایزلییریک. هوجوملار نتیجهسینده آذربایجان اوردوسونون شهید وئرمهسی بیزی دریندن یارالادی. ائرمهنی هوجوملاری قارشیسیندا تورکییه رسمیلری، قیناما مئساژلاری یاییملاندی، تورکییهنین آذربایجانا اولان دستیی بین الخالق ایجتیماعیته گؤستریلدی. ارمنیستان بو حملهلری ایله ایشغالچی-راسیست آنلاییشینی داوام ائتدیردیینی بیر داها سرگیلهدی. آذربایجان ارمهنیلرین ۱۲ ایول هوجومونا لازیمی شکیلده جاواب وئریب، دوشمهنی گئری اوتورتماغی باجاریب. ارمنیستان مدافعه ناظیرلیینین آچیقلامالاریندا آذربایجانین ۱۳ ایول تاریخینده هوجوما کئچدیی، ۲ دفعه سرحدی کئچمهیه چالیشان آذربایجان عسگرلرینین قارشیسینین آلیندیغینی، ایتکی وئریلمدیینی بیلدیرهرک، ایتکیلرینی گیزلتمهیه چالیشیر. ارمهنیلرین روسییانین دا دستیی و ایستیی ایله آذربایجانین قاراباغ تورپاقلارینا هوجوم ائدرک ۲۰ فایز اراضیسینی ایشغال ائتمهسینی، بو توپراقلاردا یاشایان آذربایجان تورکلرینی قادین، اوشاق، یاشلی دئمهدن، وحشیجهسینه قتله یئتیرمهسینی ۱۹۸۸-۱۹۹۴-جو ایللرده گؤرموشدوک. خوجالی بو ساواشین ان قانلی سیمگهلریندن بیری اولاراق تاریخه کئچیب.
- دونیانین کوروناویروسلا موباریزه آپاردیغی بیر دؤنهمده ارمهنیلر آتشکهسی پوزماقلا هانسی مقصدی گودور؟
- یاشادیغیمیز سون زامانلاردا، دونیانین جووید-۱۹ پاندمییاسی سببیله سسسیزلیکده اولدوغو بیر دؤنهمده ائدیلهن بو هوجوملارلا ائرمهنیلرین بؤلگهیه دقت چکمهیه جهد ائتدیکلرینی دوشونورهم. ائرمنیستانین آذربایجانین داغلیق قاراباغ اراضیسینده ب ام ت قرارلارینین عکسینه اولاراق سوردورمهیه داوام ائتدیی ایشغالینا باخمایاراق، «آذربایجان عسگرلری بیزه هوجوم ائدیر» مئساژی ایله دونیانی اؤز لئهینه و آذربایجانین علیهینه چئویرمهیه، دقتی باشقا ایستیقامتلره چکمهیه و سیاسی چؤزومه گئدهجک یوللاری قاپاماغا چالیشدیغی آنلاشیلماقدادیر. بمت ائرمنیستانین ایشغالچی بیر اؤلکه اولدوغونو آچیقلاییب. سیاسی گؤروشده خوجالی فاجعهسی کیمی قتلیاملار ارمنیستانی حاقسیز چیخاراجاق. دولاییسی ایله ارمنیستان سیاسی موذاکیرهلره گیرمک ایستمیر. اما بو جهدلر ده ارمنیستانی قورتارماغا یئتمهیهجک.
- ارمنیستان داغلیق قاراباغ پروبلئمینی محاربه یولو ایله حل ائتمهیه چالیشیر؟
- ارمنیستان روسییانین دستیی ایله بویونو آشان عمللرین آرخاسینجا دوشوب و ماجرا آختاریر. ۲۰۱۶-جی ایلین سونلاریندا ایروان و موسکوا آراسینداکی رازیلاشمایا اساساً ائرمنیستان سرحدلرینین قورونماسی روس عسگرلرینه وئریلیب. توووز بؤلگهسینده ارمنیستان هر نه قدر ایتکیمیز یوخدور دئسه ده، غیری-رسمی قایناقلارینا گؤره، ۲۰۰-دن چوخ اؤلن، ۳۰۰-دن چوخ یارالیلارینین اولدوغونا دایر معلوماتلار گلیر. ۲۰۱۷-جی ایلدهن اعتباراً روس عسگرلرینین سرحدده اولدوغونو نظره آلساق، اؤلن و یارالانانلار آراسیندا روسلارین دا اولماسی احتیمالی یوکسکدیر.
- سون اولایلاردان سونرا تورک دؤولتلریندن نه گؤزلنیلیر؟
- بو هوجوملارا گؤره تورک دؤولتلری تعجیلی بیر توپلانتی قراری وئرمهلی، آذربایجانا اولان دستک قوتلی بیر شکیلده گؤستریلمهلیدیر. ارمنیستان بین الخالق عالمده قینانمالی، ایستی-ایستی ب ام ت-نین تهلوکهسیزلیک شوراسینا چاغیریلاراق ایشغال ائتدیی اراضیلرینین بوشالدیلماسی اوچون یئنیدن گؤروش طلب ائدیلمهلیدیر. تورپاقلارین گئری قایتاریلماسی ایله قاچقین و مجبوری کؤچکونلر تورپاقلارینا دؤنهرک مولکلرینه، تورپاقلارینا قوووشمالیدیرلار. آذربایجانا آتیلان هر گوله تورکییهیه و دیگر تورک دؤولتلرینه آتیلمیش کیمدیر. آذربایجانین اراضی بوتؤولویونون قورونماسی اوچون تورکییه بوتون ایمکانلاری ایله اونون یانیندادیر، اولماغا دا داوام ائدجک. تورکییه-آذربایجان عینی میللتین ایکی دؤولتیدیر. تورکییه آذربایجان، آذربایجان تورکییهدیر. ارمهنی هوجوملاری سادهجه آذربایجانا دئییل، تورک دونیاسینادیر. روسییا و غرب بو سببدن سسسیز قالماغی سئچیر. ارمهنی سلاحلی اونسورلرینین آذربایجانین توووز بؤلگهسینده حیاتا کئچیرتدیی هوجومو شدتله قیناییر، حیاتینی ایتیرهن آذربایجانلی شهیدلریمیز اوچون آذربایجان تورک دؤولتینه، دوست و قارداش آذربایجان خالقینا باش ساغلیغی، یارالیلارا شفالار دیلییرم!
تاریخ
2020.07.15 / 13:08
|
مولف
Axar.az
|