بیر نئچه گون اؤنجه ارمنی قصبکارلاری نؤوبتی دفعه تجاوزکار سیماسینی نماییش ائتدیره‌رک آذربایجان تورپاقلارینا هوجوم ائتدی. دوشمن طرفین بو هوجوملارینی ایسه آذربایجانین لیاقت‌لی اوغوللاری قانلاری باهاسینا دفع ائتمکله یاناشی، دوشمنه آغیر درس وئرمیی ده باجاردی. اوردوموزون و دؤولتیمیزین جینایتکار دوشمن قارشی‌سین‌دا محکم دایانماسی و لازیمی درسلری وئرمه‌سی بؤیوک گوجلرین خالقیمیزا، دؤولتیمیزه و تورپاقلاریمیزا قارشی مکرلی سیاستلرینی حیاتا کئچیرمه‌سینین قارشی‌سین آلدی. دوشمن بیر داها باشا دوشدو کی، آذربایجان خالقی ضعیف و گوجسوز دئییل.

دیگر طرفدن خالقیمیزین وطنین بوتون شهرلرین‌ده اوردوموزا دستک نماییش ائتدیرمه‌سی ده، آذربایجان خالقینین دایم دؤولتینین و دؤولتچیلیین آرخاسین‌دا دوردوغونو، لازیم اولان آندا تورپاقلاریمیزین مدافعه‌سی اوچون هامی‌لیقلا یومروق تشکیل ائدیب دوشمنین اوزرینه یورومه‌یه قادیر اولدوغوموزو گؤستردی.

سون ۴ گون‌ده گونئی آذربایجان‌دا و دونیانین موختلیف یئرلرین‌ده یاشایان سویداشلاریمیزین اوردوموزا، دؤولتیمیزه دستک نماییش ائتدیرمه‌سی ایسه بیر آیری توخونولاجاق مؤوضوع‌دور. ۵۰ میلیونلوق آذربایجان خالقی، ائلجه ده دیگر تورک دؤولتلرینین «جان آذربایجان» دئییب، اللرینی سنگرده دؤیوشن، دوشمنله بورون-بورونا دایانان حربچیلریمیز اوچون گؤیه قالدیرماسی میللی روح‌دا اولان هر کس‌ده غرور ح‌سی یاشاتدی.

تبریز کوچه‌لرین‌ده آذربایجان سسلری، «یا قاراباغ، یا اؤلوم» شعارلاری میللتیمیزین ایسته‌نیله‌ن تهلوکه آنین‌دا واحید اولدوغونون گؤستریجی‌سی‌دیر. بوتؤو آذربایجانین پایتختی، گونئیین اوریی، مرکزی حساب ائدیله‌ن تبریزین قلبی ایندی قاراباغدا دؤیونور. سون گونلر گلن مئساژلار و سوسیال شبکه‌لرده راستیما چیخان پایلاشیملاردان آیدین اولور کی، گونئی آذربایجان تورکلری قاراباغ‌دا ووروشماغی جانی-دیلدن آرزو ائدیرلر.

ایران رژیمین باسقیلارینا باخمایاراق، گونئی‌لی سویداشلاریمیز سوسیال شبکه‌لرده اوردوموزا دستکینی هر وجهله نماییش ائتدیریرلر. اونلار آذربایجان پرزیدنتینین یالنیز اؤلکه داخیلین‌ده‌کی وطنداشلارین دئییل، ۵۰ میلیونلوق آذربایجانلینین عالی باش کوماندانی (فرمانده کل قوا) اولدوغونو وورغولاییرلار. محاربه‌ده ایشتیراک ائتمک ایستکلرینی بیلدیره‌ن سویداشلاریمیز دفعه‌لرله من‌دن هارا مراجعت ائد‌جکلرینی سوروشدوق‌دا، اونلارا آذربایجان اوردوسونون وطنی مدافعه ائتمک اوچون تام حاضر اولدوغونو باشا سالسام دا، سویداشلاریمیزین اسراری قارشی‌سین‌دا آراشدیراجاغی‌می سؤز وئردیم.

بو گون آذربایجان هر زامان اولدوغون‌دان داها گوجلودور. آذربایجان دؤولتی هم گوججو دؤولتلرین مکرلی سیاستینین قارشی‌سینی آلماغی باجاریر، هم ده دؤیوش میدانین‌دا دوشمنه لاییقلی جواب وئرمیی بیلیر.

بوتون دونیا اونوتماسین کی، آذربایجان خالقی تکجه ۱۰ میلیونلوق آذربایجان رسپوبلیکاسی وطنداشین‌دان عبارت دئییل. آذربایجان رسپوبلیکاسینین تورپاقلاری دا تکجه رسپوبلیکا وطنداشلارینا مخصوص دئییل.

دؤولت ده، تورپاق دا، اوردو دا ۵۰ میلیون‌دان آرتیق خالقا مخصوص‌دور. گونئی‌لی‌سی-قوزی‌لی‌سی ایله، کاسیبی-وارلی‌سی ایله هامی دوشمن قارشی‌سین‌دا بیر اولماغی و وطنی قوروماغی باجاریر.

میللتیمیز ایسته‌نیلن واخت دوشمنه اؤز یومروغونو گؤسترمه‌یه ده حاضردیر - یئتر کی، عالی باش کومان‌دان ۵۰ میلیونلوق آذربایجان خالقینا محاربه امری وئرسین.