باکی‌دا تاریخی قرار قبول اولونوب.

Axar.az خبر وئریر کی، کوپ۲۹-دا انکشاف ائتمک‌ده اولان اؤلکه‌لرین، او جمله‌دن کیچیک آدا، ان آز انکشاف ائتمیش و آفریکا دولتلرینین صبرسیزلیکله گؤزلدیی ایتکی و ضرر فوندونون تام فعالیته باشلاماسینی تعمین ائد‌ن قرار قبول اولونوب.

بو، آذربایجان رسپوبلیکاسینین پرزیدنتی جناب ایلهام علیئو طرفیندن ایقلیم دییشمه‌لرینین فسادلارینین کیچیک آدا اؤلکه‌لرینه تؤرتدیی چتین‌لیکلرین حلی مسئله‌سینین کوپ۲۹ صدرلیینین پریوریتئتی کیمی معین ائدیلمه‌سینه اویغوندور.

ایتکی و ضرر فوندونون (لوس آند داماگ فوند) یارادیلماسی مصرده کئچیریلمیش کوپ۲۷ زامانی قرارا آلینمیشدیر. فوند اقلیم دییشمه‌لرینین تاثیرلرینه ان حساس اؤلکه‌لره مالیه یاردیمی گؤسترمک مقصدی داشیییر.

بیرلشمیش عرب امیرلیکلرینده کئچیریلمیش کوپ۲۸ زامانی فوندون فعالیته باشلاماسی ایله باغلی قرار قبول اولونموشدو.

کوپ۲۹ صدرلییی و ضرر فوندونون فعالیتینین تعمین ائدیلمه‌سی استقامتین‌ده مهم آددیملار آتیب، اداره هئیتی و دنیا بانکی ایله سیخ امکداشلیق ائدیب. جاری ایلین سنتیابر آییندا فوندون اداره هئیتینین باکی‌دا کئچیریلمیش ۳-جو اجلاسی زمانی فوندون فعالیته باشلاماسی اوچون واجب تدبیرلر گؤرولوب، فوندون اجراچی دیرکتورو وظیفه‌سینه ابراهیما شیخ دیونقون تعیین ائدیلیب.

کوپ۲۹ چرچیوه‌سینده ایسه ایتکی و ضرر فوندو ایله باغلی بیر سیرا مهم سازشلر امضالانیب. بونلار فوندون اداره هئیتی ایله دنیا بانکی آراسیندا «قیوم‌لوق سازیشی» و «کاتیبلیین ائو صاحب‌لییی سازشی»، ائلجه ده فوندون اداره هئیتی ایله ائو صاحبی اؤلکه اولان فیلیپپین رسپوبلیکاسی آراسیندا امضالانمیش «ائو صاحبی اؤلکه‌یه دایر سازیش»دیر.

حاضردا فوندا وعد ائدیلن عمومی مالیه دستیی مبلغی ۷۳۰ میلیون آمریکا دلاریندان آرتیق‌دیر.

الده ائدیله‌ن بو ناعیلیتلرلرله ایتکی و ضرر فوندو ۲۰۲۵-جی ایلده‌ن اعتباراً لاییحه‌لری مالیه‌لشدیره بیله‌جک. بو، آذربایجانین کوپ۲۹ صدرلیینین نوبتی اوغورودور.