دونیا شهرت‌لی ایدمان برندی «آدیداس» شیرکتی گلن مؤوسوم‌ده گونئی آذربایجانین «تراختور» کومان‌داسی اوچون خصوصی کؤینک حاضرلایاجاق.

آخار. آذ خبر وئریر کی، آوقوستون ۱۳-ده تبریزین پورشریفی سالونون‌دا کئچیریلن مراسیم‌ده «آدیداس» شیرکتینین «تراختور» کمان‌داسینین ایسپونسورو اولدوغو آچیقلاندی.
سون معلوماتا گؤره، کلوبلا مشور شیرکت آراسین‌داکی امکداشلیق داها دا گئنیشلنیر. بو باره‌ده کلوبون ایجراچی دیرکتورو غلامرضا صادقییان معلومات وئریب.

«بو ایل «آدیداس» شیرکتی ایله بیر چوخ موذاکیره‌لر آپاریلدی، آرامیزدا مقاویله باغلاندیقدان سونرا شیرکتین حاضیرلادیغی کؤینکلری ایستاندول‌دا تحویل آلدیق. لاکین امکداشلیغیمیز داوام ائدیر. شیرکت تکلیف ائتدی کی، گلن مؤوسوم‌ده (۲۰۲۰-۲۰۲۱-جی ایللر) «تراختور» اوچون خصوصی کؤینک حاضرلاسین. بیز ده بونونلا راضیلاشدیق.»- دئیه ایجراچی دیرکتور بیلدیریب.