ایدمان‌چیلارین اقتصادی وضعیت‌دن چیخیش یولو اولاراق ایران‌دان باشقا اؤلکه‌لره اوز توتماسی داوام ائتمک‌ده‌دیر

آخار. آذ خبر وئریر کی، بو دفعه ایران کومان‌داسینین ۴ ایدمان‌چی‌سی آذربایجان رسپوبلیکاسینین فوتزال اوزره میللی ییغماسینا قوشولماقلا، آذربایجان وطنداشلیغی الده ائدیب.

همین شخصلر ایرانین میللی فوتسال کومان‌داسین‌دا دا چیخیش ائد‌ن تبریزین دبیری و ساوه‌نین سونیچ کومان‌دالارینین سابیق ایدمان‌چی‌سی وحید شفیی، «آهورا بهبهان» کومان‌داسینین اویون‌چوسو امیر شجاعی، شیرازین «ارژن» کومانداسینین ایدمان‌چیسی ایسحاق سورغالی و «فرشارا» کومان‌داسینین اویون‌چوسو هادی احمدی‌دیر. اونلار آذربایجان رسپوبلیکاسینین وطنداشی اولماقلا، بون‌دان سونرا بو اؤلکه‌نین میللی کومانداسین‌دا چیخیش ائد‌جکلر.