آنا صحیفه ایدمان |
شرقی آذربایجانین میانا شهریندن اولان ایکی تائکووندوچو سئربییادا کئچیریلهن بئینلخالق یاریشلاردا بیر قیزیل و بیر بورونج مئدال قازانیب.
آخار. آز خبر وئریر کی، تائکوواندو اوزره ۱۸-جی سئربییا بئینلخالق تورنیری بازار گونو بئلقراد شهرینده کئچیریلیب.
میر هاشیم حسینی (-۷۴ کق) و سید رجبی (+ ۸۷ کق) ایرانین میللی کومانداسی ترکیبینده بئینلخالق تورنیرده ایشتیراک ائدیب.
میر هاشیم حسینی فینال مرحلهسینده دمیتری آرتیوخوولا قارشیلاشیب. یاریشین ۳-جو راوندو۱۱:۱۱ حسابی ایله باشا چاتیب. ایدمانچیمیز علاوه راونددا رقیبینی مغلوب ائدرک قیزیل مئدال قازانیب.
سید رجبی ایسه دؤرددبیر فینال مرحلهسینده پولشادان اولان رقیبینه قالیب گلدیکدن سونرا یاریشلارین نؤوبتی مرحلهسینه یول تاپیب. یاریمفینال مرحلهسینده مئکزیکا تمثیلچیسینه مغلوب اولان ایدمانچیمیز بورونج مئداللا کیفایتلنیب.
میر هاشیم حسینی اؤتن ایل ایندونئزییا پایتاختی جاکارتادا کئچیریلهن ۲۰۱۸-جی ایل آسییا اویونلاریندا دا چیندن اولان رقیبی شوای ژاونو مغلوب ائدرک یاریشلارین قیزیل مئدالینی قازانمیشدیر.
تاریخ
2019.10.28 / 20:25
|
مولف
Axar.az
|