آنا صحیفه ایدمان |
گونئی آذربایجانین «تراختور» فوتبول کومانداسینین باش مشقچیسی مصطفی دنیزلی جمعه گونو کئچیریلهجک اؤنملی قارشیلاشمادا «تراختور» طرفدارلارینی آکتیو اولماغا چاغیریب.
«آخار. آذ-این معلوماتینا گؤره، مصطفی دنیزلی سوپئر لیقا یاریشلاری چرچیوهسینده کئچیریلهن ۸ گؤروشده یاخشی نتیجه الده اولوندوغونو بیلدیرهرک کومانداسینین دوزگون ایستیقامتده حرکت ائتدیینی دقته چاتدیریب.
«بیز بو هفته هر زامانکی رقیبیمیزله قارشیلاشاجاییق. لاکین بو یاریشدا تکجه ۹۰ دقیقه واختدان صحبت گئتمیر. من بوتون کوماندا طرفدارلاریندان ایستییرم کی، اویون بویو یوکسک سوییهده دستک وئرسینلر. کیمسهنین شوبههسی اولماسین کی، بیز یاخشی نتیجه الده ائتمک اوچون الیمیزدن گلنی ائدجییک. «تراختور» تشویق اولونمالیدیر، لاکین هئچ بیر کوماندایا دا حؤرمتسیزلیک ائدیلمهمهلیدیر.»- دئیه او بیلدیریب.
«تراختور» آزارکئشلرینین فعال اولماسینی آلقیشلایان مصطفی دنیزلی علاوه ائدیب کی، «تراختور» و «ایستیقلال» سوپر لیگانین ایکی گوجلو کومانداسیدیر. من بو گؤروشده ایستادیوندا ۸۰ مین آزارکئش گؤرمک ایستییرم.
تاریخ
2019.10.29 / 22:00
|
مولف
Axar.az
|