آنا صحیفه ایدمان |
ایران فوتبول فدراسییاسینین اینضیباطی کمیتهسی تبریزین «ماشینسازی» و تهرانین «پرسپولیس» کوماندالارینین گؤروشو زامانی باش وئرهن ایرقچی حرکتلر و ائتیکادان کنار حادثهلرله باغلی حکم چیخاریب.
آخار. آذ خبر وئریر کی، سؤیوش و تحقیرلره معروض قالان آذربایجانلی باش مشقچی رسول خطیبی «پرسپولیس» و اونون ایرقچی طرفدارلاریندان داها آغیر شکیلده جزالاندیریلیب.
««پرسپولیس» کلوبو ۳۰۰ میلیون ریال جریمه اؤدمهلیدیر، بو قرارا یئنیدن باخیلا بیلر.
«ماشینسازی» کلوبو ایسه ۵ اویونچوسونا خبردارلیق ائدیلدیی اوچون ۱۰ میلیون ریال جریمه اؤدمهلیدیر.
آذربایجان کومانداسینین باش مشقچیسی رسول خطیبی ایسه «پرسپولیس» طرفدارلارینی تحریک ائتدیی اوچون ۱۰۰ میلیون ریال نقد جریمه اؤدمهیه محکوم ائدیلیب. او بوندان علاوه، سوپئر لیگ یاریشلاریندا بیر گؤروشده کومانداسینی مشایعت ائتمکدن ده محروم ائدیلیب. بیلدیریلیب کی، بو قرارا یئنیدن باخیلا بیلر. همچینین قید اولونوب کی، باش مشقچی ایران کوبوکو چرچیوهسینده کئچیریلن یاریشلاردا اوخشار جزایا محکوم اولوندوغو اوچون، او عینی حرکتی تکرار ائدرسه، سوپر لیگ چرچیوهسینده هلهلیک تاخیره سالینان قرار ایجرا اولوناجاق و بیر گؤروشده کومانداسینی مشایعت ائده بیلمهیهجک.»- دئیه اینضیباطی کمیتهنین قراریندا قید اولونوب.
ایران فوتبول فدراسییاسی و ایدمان ناظیرلیینین آذربایجانین علیهینه و تهرانین «ایستیقلال» و «پرسپولیس» کوماندالاری و اونلارین ایرقچی طرفدارلارینین خئییرینه اولاراق حکم چیخارماسی یئنی حادثه دئییل. فوتبول فدراسییاسینین بو قراری داواملی اولاراق گونئی آذربایجانین «تراختور» فوتبول کلوبونا قارشی چیخاریلان عدالتسیز حکملری بیر داها گؤز اؤنونه گتیردی.
تاریخ
2019.11.13 / 10:36
|
مولف
Axar.az
|