سوپر لیقادا اویونلارینین ۱۶-جی هفته گؤروشون‌دن اؤنجه «تراکتور» کلوبونون طرفدارلاری مصاحیبه‌لرین‌ده خاینلرین ایران رادیو-تلویزییاسین‌دا بیله‌رکدن کلوبون اویونلارینین سنزور ائدیلیب، مسئله‌یه ایرق‌چی یاناشمالارینینی پیسله‌ییبلر.

اونلار اؤلکه رادیو-تلویزییاسین‌دا مخبیرلردن توتموش آپاریجیلارا، عینی زامان‌دا جان‌لی یاییملارا گلن متخصصلره قدر هر کسین اؤنجه‌دن هدف‌لی و فارس‌چی‌لیق دوشونجه‌لرین‌دن آسیلی اولاراق وئریلیشلره چاغیریلدیغینی بیلدیریبلر.

«۹۸ ایلدیر ایران آدلانان اؤلکه‌نین تورکلری رضا شاهین آنتی-تورک دوشونجه‌سین‌دن یانا ظلم چکیر و تضییق آلتیندادیرلار. بو دوشونجه طرزی ایله تورک میللتینه یاناشمالار ایسلام رسپوبلیکاسین‌دا دا آردی کسیلمه‌دن داوام ائدیر. نتیجه‌ده ده اودوزان فارس یؤن‌لو ایرق‌چیلر اولاجاقلار»، – آزارکشلر دئییبلر.

علاوه ائدک کی، سؤزوگئدن اویون‌دا همین طرفدارلارین حضورون‌دا «تراکتور» اویونو ۳:۲ حسابلا خئیرینه بیتیریب. اویونون گئدیشاتین‌دا طرفدارلار ایندیکی چینین ترکیبین‌ده اولان شرقی تورکوستانین اویغورلارینی دتکله‌یه‌ن لؤحه قالدیریبلار. بونونلا یاناشی، کئچیقیران داغلاری بؤلگه‌سین‌ده ساراب نیانا کندلرینین زلزله‌دن چتین‌لیکلرینی ده اونوتمادان اونلارین دا آجی دوروملاری حاق‌دا پلاکاردلار آچدیلار.