آنا صحیفه کولت |
ایرانین شرقی آذربایجان اوستانینداکی اهر شهریستانینین اینضیباطی مرکزی. ۲۰۰۶-جی ایل سیاهییا آلماسینا اساساً اهالیسی ۸۶،۷۶۰ نفردیر . اهالیسینین، هامیسی آذربایجان تورکلریندن عبارتدیر.
اهر محالینین اینضیباطی مرکزی اولان اهر شهری اهر چایینین سول یاخاسیندا یئرلشیر. اوجا داغلارلا چئورهلنن بو شهر گنیش بیر دوزهنلیک بویونجا یاییلیر و دنیز سطحیندن تخمیناً ۱۵۴۶ متر هوندورلوکدهدیر.
شهرین سالینما تاریخی چوخ قدیمدیر. یاقوت الحموی (۱۱۷۹-۱۲۲۹) یازیر: "اهر-کیچیک اولماسینا باخمایاراق گؤزل قورولوب. اردبیل و تبریز آراسیندا یئرلشیر. اورانین امیری ابن بیشکین آدلانیر. اهرله وراوی آراسی ایکی گونلوک یولدور". تاریخچی حمدوللا مستوفی قزوینی (۱۲۸۱-۱۳۴۶) اؤز مشهور "نوزهت ال-قولوب" آدلی اثرینده یازیر: "اهر سویوق ایقلیملی چوخ دا بؤیوک اولمایان شهردیر. بوردا سویو اشکنبر داغیندان باشلایان چایلاردان گؤتورورلر. اونلارین شهرده یاخشی قویولاری و کهریزلری وار. اساساً تاخیل اکیرلر، بیر آز دا مئیوه بئجریرلر.
اهر شهری ۱۸-جی و ۱۹-جو یوزیللرده باغبانلی، ساداتلی و ناخچیوانلی محللرینه آیریلیردی.شهریین قدیم، جنوب حیصهسی ایسه "اوزانلار" آدلانیردی. ۱۸-جی یوزیلین ایکینجی یاریسیندان اعتباراً شهرین شیمال حیصهسی آبادلاشماغا، اوزانلار سیرکلشمهیه باشلادی.
اهر ستارخان قاراداغی(سرداری میللی)، آشیق قوربانی، ساری آشیق، سامخان(امیر ارشد)، رحیمخان چلبییانلی، کریم پاشا بهادری ،قاسیم اهری کیمی داهیلرین یئتیشدیی تورپاغ اولموشدور .
قید ائدک کی، ۲۰۱۲-جی ایل، ۱۱ آوگوست تاریخده، شنبه گونو، گونورتا ساعتلاریندا تبریز و اهر شهرلری یاخینلیغیندا ۶.۴ و ۶.۳ گوجونده تکانلار باش وئرمیش و بوندان سونرا ۵۵-دن آرتیق آفترشوک قیده آلینمیشدیر. زلزلهده خیلی سایدا اینسان هلاک اولموشدور.
تاریخ
2020.02.29 / 10:08
|
مولف
الشاد یاقوبلو
|