آنا صحیفه کولت |
آذربایجانین دیلبر گوشهلریندن اولان قاخ رایونو اسرارنگیز طبیعتی ایله یاناشی، زنگین یئرآلتی و یئر اوستو ثروتلری، شفاوئریجی بولاقلاری، ترمال سولاری، فسونکار شلالهلری ایله ده تانینیر. رایون اراضیسینده نادیر گؤزللیگی ایله سئچیلهن، فرقلی اؤلچوده و هوندورلوکده ۱۰-دک شلاله مؤوجوددور. بئله شلالهلردن بیری ده لکیت کندینده، سیخ مئشهنین درینلیینده، لکیت چایینین یاتاغینین ساغ ساحلینده یئرلشن مامیرلی شلالهدیر. قایالاردان یوزیللر بویو سوزولهرک آخان سو شلالهنین اراضیسینده یاشیل مامیرین بیتمهسینه سبب اولوب. مامیر قایالاری ائله اؤرتوب کی، سانکی اوزرینه یاشیل خالی سریلیب.
آخار. آذ خبر وئریر کی، مامیرلی شلالهنین یئرلشدیی لکیت کندی آذربایجانین قدیم یاشاییش مسکهنلریندندیر. کندین یاخینلیغیندا یئرلشن ۵-جی عصره عایید دایروی معبد و ۶-جی-۷-جی عصرلره عایید یئددی کیلسه مناستر کومپلئکسی تاریخیلیک باخیمیندان خصوصی اهمیت کسب ائدیر. قافقاز آلبانییاسینین زنگین تاریخی-مدنی ارثینی اؤزونده عکس ائتدیرهن بو عابدهلر میللی یادداشیمیزین ترکیب حیصهسیدیر.
لکیت کندی قاخ رایونونون شیمال-غربینده، قاخ شهریندن ۱۶ کیلومتر آرالیدا، داغتیی اراضیده یئرلشیر. بعضی تدقیقاتچیلارا گؤره، «لکیت» جغرافی آدی قافقاز آلبانییاسیندا یاشامیش قدیم لک طایفاسینین آدیندان گؤتورولوب.
کندین اراضیسینده یئرلشن قدیم تاریخی عابدهلر، همچینین بنزرسیز گؤزللیگی ایله سئچیلهن شلاله سون ایللر رایونا گلن توریستلرین ده بؤیوک ماراغینا سبب اولوب.
کندین یوخاری حیصهسیندن مامیرلی شلالهیه گئتمک ۱۵-۲۰ دقیقه واخت آپاریر.
انسیز داغ یولو ایله شلالهیه قالخماق اینسانا خصوصی زؤوق وئریر. سانکی معجزهلی بیر عالمه دوشموسن. هر طرف یاشیللیقدیر. داغ چایینین اوزریندهکی کؤرپونو خاطیرلادان ایری داشلارین، آغاج کؤتوکلرینین اوزریندن کئچرکهن دقتلی اولماق لازیمدیر. چونکی ایستهنیلهن آن سوروشوب سویا دوشه بیلرسهن. قورخماغا ایسه احتیاج یوخدور، چونکی سو دایازدیر، یالنیز ایسلاناجاقسان.
یاخینلاشدیقجا گؤزلرینین اؤنونده جننتی خاطیرلادان عالم جانلانیر.
شلالهنین ائنی ۳۰، هوندورلویو ایسه ۷-۸ متردیر. قایالاردان سوزولوب گلن سویون شیریلتیسی، اطرافا سیچرایان سو دامجیلاری اینسانا خوش احوال-روحییه بخش ائدیر.
تاریخ
2020.06.13 / 13:41
|
مولف
آینورا مممدووا
|