Axar.az
یوخاری
17 اییول 2019


تورک مطبخینین لذیذ یئمیی- سارما- رسپتی

آنا صحیفه کولت
12 Punto 14 Punto 16 Punto 18 Punto

دونیادا بیر چوخ میللت یارپاق و تروزلرین ایچینی دولدورا‌راق یئمک بیشیریر.

کیمی‌سی، اورتا و جنوبی آمریکا‌داکی کیمی مکه و موز یارپاق‌لارینی، بعضی اوزاق شرق‌دکی کیمی پالما و یا بامبوک یارپاق‌لارینی ایستیفاده ائدیر بو ایش اوچون. تورکیه ده ایسه دئمک اولار کی، هر تروزینین ایچی دولدورولابیلیر. بادیمجاندان انگینار/ گنگر فرنکی؛ کلمدن بامادورا؛ بیبردن کدویا قدر هر شئیی دولدورا‌راق یئمک بیشیره‌بیلیر تورک‌لر. اونسوز دا بیر چوخ دیلده "دولما و یا دولمادئس" اولا‌راق کئچن بو نوع یئمک‌لرین عمومی آدی دا تورکجه "دولماق" فعلیندن گلیر. بیز ده بو گون سیزه تورکیه‌ده چوخ مشهور اولا‌راق ایستیفاده ائدیلن "اتلی یارپاق سارماسی‌" تعریفی وئرجگیک. بو آرادا "ساریما" سؤزونون توکجه‌ده "سارماق" معناسینا گلدیگینی ده قید ائتمه‌دن کئچمیک. عمومیتله، بو جور یئمک‌لرین هامیسینا "دولما" دئسه ده تورکیه‌ده بیبر، کدو، بادیمجان کیمی ایچی دولدورولا‌راق حاضیرلانان یئمکلره "دولما"؛ یارپاق، کلم، عضله کیمی ایچینه قویولان ماتریا‌لینین یارپاقلا اؤرتولمه‌سی ائدیلن یئمکلره ایسه "سارما" آدی وئریلیر.

اتلی یارپاق توتماسی‌نین ماتریال‌لاری بئله؛

۲۵۰ گرام شور آسما (اوزوم) یارپاغی

ایچ خرجی اوچون؛

۱ عدد کیچیک پارچا‌لارا دوغرانمیش سوغان

۲۵۰ گرام اورتا یاغلی قیمه

۱ سو ایستکانی دویو

۲ یئمک قاشیغی اینجه قیییلمیش جعفری

۱/۲ چای قاشیغی دوز

۱/۴ چای قاشیغی ایستیوت

بیشیرمک اوچون:

۱ خؤرک قاشیغی بامادور روبی

۳ یئمک قاشیغی زیتون یاغی

۱.۵ سو ایستکانی قاینار سو

۱/۲ چای قاشیغی دوز

ایلک ایش اولا‌راق شور آسما (اوزوم) یارپاق‌لارینی، دوزونون گئتمه‌سی اوچون ایستی سو دولو، درین بیر قابدا ۵ دقیقه قدر گؤزلدین. دوزو گئدن یارپاق‌لاری سودان چیخاریب سویوق سودا یاخالایین و چوخ سولارینی سوزدورون.

بو آرادا توتماغین ایچ خرجینی حاضیرلاماق اوچون؛ قورو سوغانی، بول سودا یویونوب دورولان دوگو و قیمه‌نی درین بیر قابا آلین. جعفری، قارا بیبری و دوزو علاوه ائدین. قاریشدیرما قابینا آلدیغینیز بوتون ماتریا‌لی بیر-بیرینه قاریشماماسی اوچون الینیزله یوغورون. میس-لرین قیریلماماسی اوچون چوخ چوخ سالماماغا دقت ائدین.

بیر یارپاق آلین، مات و دامارلی اولان بؤلوملونو اوستونه گله‌جک شکیلده دوز زمینه سرین. زده‌لمه‌دن کسکین بیر بیچاقلا آز قیسمینی کسین. یارپاق‌لارین اورتا بؤلوملرینه بیر شیرین قاشیغی قدر قیمه قاریشیق‌دان قویون. یارپاغین کناردا قالان بؤلوم‌لرینی اورتایا باغلاییب، یارپاق‌لاری رولون شکلینده بوکون.

عینی پروسه‌سی بوتون یارپاق‌لارا تطبیق ائدین.

حاضیرلادیغینیز اتلی یارپاق سارمالارینی درین بیر قازانا آرا‌لاردا بوشلوق بوراخما‌دان، بیتیشیک اولا‌راق دوزون. قازانی‌نین بازاسی دولدوق‌دان سونرا ایکینجی، لازیم‌دیرسا اوچونجو گئدیش کیمی ده دوزمه‌یه داوام ائدین.

کیچیک بیر کاسادا سالدیغینیز ایستی سو، زیتون یاغی، روب و دوزو ساریما قازانا تؤکون. بیشمه زامانی داغیلماماسی اوچون ساری‌لارین اوزرینه چینی بیر بوشقاب اؤرتون.

قاپاغینی باغلادیغینیز قازانی، ضعیف اوددا تخمینن ۴۰ دقیقه بیشیرین. اتلی اولدوغو اوچون ایستی و یا ایلیق اولا‌راق، ائتسه‌نیز اوستونه قاتیق تؤکه‌رک سرویس ائدین.

تاریخ
2019.07.12 / 15:02
مولف
آینورا مممدووا
شرح لر
دیگر خبرلر

حاکیمیتچیلیک مسئله سی دیل و مدنیت اساسلی سیاسی بیر سیستیم مسئله سیدیر...

اردبیل‌لی اوشاق «ساری گلین» ایله فارسلاری حیران ائتدی

منی اؤلدورمه‌سه‌لر، یاخشی اولاجاق – موسا یاقوب

تبریز خالچاچی‌لیق مکتبین‌دن بهره‌لنه‌ن -قاسیم اوشاغی خالچالاری

تهچین پلووون حاضرلانماسی-رسپت

همدان‌دا پان‌فارسیزمی تبلیغ ائد‌ن تاماشا نماییش ائتدیریلدی

دومانلی تبریز ۱۴۸-اینجی بؤلوم

بابک - ۳۵ میلیون اینسانین ایزلدیی آذربایجانین قهرمان‌لیق فیلمی- ویدئو

اورمییه‌ده متال بوست و فیگورلار سرگیسی کئچیریلیر

ائلده‌نیزلر دؤورونون تاریخی معمارلیق عابده‌سی نامرد قالا

خبر خطّی
 
Axar.az'da reklam Bağla
Reklam
Bize yazin Bağla