آنا صحیفه کولت |
سنتیابرین ۲۸-دن اوکتیابرین ۱-دک آذربایجاندا نسیمی – شعیر، اینجه صنعت و معنویات فستیوالی کئچیریلهجک.
کولت. آذ خبر وئریر کی، حیدر علیئو فوندو و مدنیت ناظیرلیینین تشکیلاتچیلیغی ایله رئاللاشاجاق فستیوال داهی آذربایجان شاعری و موتفکیری عماالدین نسیمینین (۱۳۶۹-۱۴۱۷) یارادیجیلیغینین تدقیقی و تبلیغی، اونون فیکیر و دوشونجهلرینین معاصرلیکده عکسینی ایزلهمک مقصدی داشیییر. سیلسیله تدبیرلرده نسیمی پوئزییاسی، بؤیوک موتفکیرین فلسفی ایدئیالاری موختلیف اینجسنت نؤولری و اونلارین آهنگی واسطهسیله ترننوم ائدیلهجک.
خاطیرلاداق کی، نسیمی – شعیر، اینجه صنعت و منعویات فستیوالی ایلک دفعه ۲۰۱۸-جی ایل سنتیابرین ۲۷-دن ۳۰-دک کئچیریلیب.
آذربایجان رسپوبلیکاسینین پرزیدنتی ایلهام علیئوین ۱۱ یانوار ۲۰۱۹-جو ایل تاریخلی سرانجامی ایله بؤیوک آذربایجان شاعری و موتفکیری عماالدین نسیمینین آنادان اولماسینین ۶۵۰ ایللیی ایله علاقه دار بو ایل «نسیمی ایلی» اعلان اولونوب.
فستیوال، اؤتن ایلکی کیمی، شاعرین فلسفی باخیشلارینی عکس ائتدیرن «سیمادان – آسیمانا» و اونون اؤز کلامیندان گؤتورولن «ذره منم، گونش منم…» شوعارلاری ایله کئچیریلهجک. لاییحه چرچیوهسینده هم نسیمینین دوغما دیاری شاماخیدا، هم ده پایتاخت باکی و اطراف قصبهلرده موختلیف صنعت نؤولری و بیلیک ساحهلرینی احاطه ائدن تدبیرلر تشکیل اولوناجاق.
فستیوالدا بین الخالق میقیاسدا تانینمیش نسیمیشوناسلار، شاعر و عالیملر، فیلوسوفلار، رسساملار، موسیقی، رقص و تئاتر قروپلاری ایشتیراک ائدجک.
روسییالی پسیخولوق آلئکسئی سیتنیکوو، ایتالییالی شاعر داوید روندونی، آذربایجان اصیللی، بؤیوک بریتانییادا یاشایان فیلوسوف و رسسام زئیقهم ازیزوو موهازیرهلرینده نسیمی فلسفهسی ایله دونیادا مشهور اولان بیر سیرا نظریه و کونسئپسییالار آراسیندا پارالئللر آپاراجاقلار.
فئستیوال چرچیوهسینده، همچینین، آلمانییالی عالیم، تانینمیش نسیمیشوناس میخائل هئسس و بؤیوک بریتانییادا یاشایان تدقیقاتچی اورخان میرقاسیمووون نسیمی و هوروفیلیک حاقدا کیتابلارینین تقدیماتی اولاجاق.
بو ایل ایلک دفعه نسیمینین بیر سئچیلمیش قزلینه تدقیقاتچی و شئیر بیلیجیلری اؤز شرحینی تقدیم ائدجک، همین تفسیرلرین موذاکیرهسی کئچیریلهجک.
همچینین شاماخی شهرینده ایمادددین نسیمییه حصر اولونان معاصر اینجسنت اینستالیاسییاسینین آچیلیشی اولاجاق.
فئستیوال چرچیوهسینده مدنیت نازیرلیینین سؤز لاییحهسینین گنج شاعرلر آراسیندا اعلان ائتدیی نسیمی روحوندا، یاخود بیلاواسیته اونون شئیرلرینه نزیره اولان ان یاخشی پوئتیک اثر موسابیقهسینین نتیجهلری ده اعلان اولوناجاق.
فئستیوال گونلرینده اینجسنتین موختلیف نؤولرینه دایر بیر سیرا سرگیلر آچیلاجاق. باکیدا «شیروانشاهلار سارایینین سیرلری» سرگیسینده یئرلی و خاریجی تصویری صنعت اوستالارینین اثرلری – ویدئو آرت، قرافیکا، اینستالیاسییالار و کینئتیک اوبیئکتلر نوماییش اولوناجاق.
آذربایجان خالچا موزئیینین فئستیوال چرچیوهسینده سؤز اوستادینا حصر ائتدیی خالچا ائسکیزی موسابیقهسینین یئکون سرگیسی ده آچیلاجاق. ائکسپوزیسییادا موسابیقهنین قالیبی اولان ۳ اثر اساسیندا توخونولان خالچالار، تقدیم ائدیلهن ایشلر آراسیندان مونسیفلر هئیتینین سئچدیی خالچا ائسکیزلری نوماییش اولوناجاق.
باکینین قالا قصبهسینده ایستیفادهسیز صنایع آنباریندا ایسه «دانیشان دیوارلار» اینجسنت لاییحهسی چرچیوهسینده یارادیلمیش اثرلرین تقدیماتی اولاجاق. بو لاییحه چرچیوهسینده آذربایجان، برازیلییا، جنوبی آفریکا، ایسپانییا، نیدئرلاند و فرانسادان اولان رسساملارین دیوارلار اوزرینده «اوربان/ایسترئئت آرت» (شهر/کوچه اینجسنتی) ژانریندا یاراتدیغی اثرلرله تانیشلیق اولاجاق.
«قالا» آرخئولوژی-ائتنوقرافیک موزئی کومپلئکسینده «داشین نغمهسی» ۴-جو بئینلخالق هئیکلتراشلیق سیمپوزیومو و «قالا» دؤولت تاریخ-ائتنوقرافییا قوروغوندا ۸-جی بئینلخالق «توللانتیدان صنعته» سرگیسی کئچیریلهجک.
فئستیوال چرچیوهسینده حیدر الیئو مرکزینده سرگیلر، او جملهدن تورکییهنین تانینمیش رسسامی آهمئت گونئشتئکینین فردی سرگیسی آچیلاجاق. رسسامین مشهور «اؤلومسوزلوک اوتاغی» («اؤلومسوزلوک اوداسی») اثری ده ائکسپوزیسییادا نوماییش اولوناجاق. حیدر الیئو مرکزینده، همچینین فئستیوالین قالا کونسئرتی کئچیریلهجک.
فئستیوال گونلرینده کئچیریلهن تدبیرلرده آذربایجان اینجسنت اوستالاری ایله یاناشی، آبش، چین، آلمانییا، بؤیوک بریتانییا، گورجوستان، مصر، اوکراینا، فرانسا، کانادا، ایوردانییا و دونیانین بیر سیرا باشقا اؤلکهلریندن گلن ایفاچیلار دا ماراقلی پروقراملارلا چیخیش ائدجکلر.
تاریخ
2019.07.12 / 19:09
|
مولف
Axar.az
|