یوخاری

عثمانلی-تورک مئمارلیق تاریخینین شاه اثری- سولئیمانییه

آنا صحیفه کولت
12 Punto 14 Punto 16 Punto 18 Punto

تورکیه‌‌‌ده‌کی اؤنم‌لی تاریخی مسجیدلردن بیری اولان سلیمیه مسجیدی، تام بیر اوستالیق اثری عثمانلی-تورک معمارلیق تاریخینین اولدوغو قدر، دونیا معمارلیق تاریخینین ده شاه اثرلری آراسین‌دا گؤستریلیر.

سلیمیه مسجیدی، ایستانبولون فتحین‌دن اول عثمانلی امپراتورلوغونون پایتاختی اولان ادیرنه‌ده ۱۶.جی یوزایل‌ده اینشا ائدیلمیش. دونیانین گلمیش کئچمیش ان بؤیوک و ان داهی معمارلارین‌دان بیرینین، معمار سینانین اثری

سلطان ۲.جی سلیم طرفین‌دن تیکدیریله‌ن سلیمیه مسجیدی و مجتمعی، تکنیک مکمل‌لیگی، اؤلچولری و استئتیک دیرلری ایله یالنیز دؤورونون دئییل، سونراکی زامانلارین دا ان مؤحتشم اثرلرین‌دن بیری کیمی قبول ائدیلیر.

مؤحتشم گؤرونتوسو زیارت‌چیلرینی اؤزونه حیران بوراخان سلیمیه مسجیدینین تیکینتی‌سینه ۱۵۶۸-جی ایلده باشلانمیش و تخمیناً ۱۵.۰۰۰ نفرین ایشله‌مه‌سی ایله آنجاق ۱۵۷۵-جی ایلده تامام‌لانابیلمیش. چوخ اوزاقلاردان بئله گؤرونتوسو ایله گؤرکه‌مینی بللی ائتسه ده اصل حیران‌لیق مسجیدین ایچینه گیره‌ن‌ده حس ائدیلیر.

سلیمیه مسجیدین‌ده گونبز، معمار سینانین ایشینده چاتدیغی ذیروه نقطه‌لرین‌دن بیرینی تمثیل ائدیر. بئله گئنیش بیر گونبزه صاحب اولماسینا باخمایاراق، گونبزی دستکله‌یه‌ن سوتونلارین ایچ مکانی بؤلمه‌سینه ایجازه وئریلممیش. ۶.۰۰۰ نفرین راحت‌لیقلا عبادت ائده‌بیله‌جیی بیر ساحه‌یه صاحب. مسجیدین دؤرد کونجون‌ده یئر آلان و هر بیری اوچ شرفه‌لی اولان میناره‌لری ایسه اؤز نؤوعو ایچین‌ده دونیانین ان گؤزللری آراسین‌دا. تعجب دوغوراجاق بیر معمارلیق باشاری ایله میناره‌لرین ایچینه بیر بیریله کسیشمه‌یه‌ن اوچ فرق‌لی پیللکه‌ن یئرلشدیریلمیش.

دونیا معمارلیق تاریخینه مؤحتشم اثرلر وئرن معمار سینان بو مسجیدی "اوستالیق اثریم" کیمی تانیملامیش. ایچ تاساریمیندا ایستیفاده ائدیله‌ن، دؤورونون ان یاخشی اؤرنک‌لری اولان داش، مرمر، تاختا، صدف و اؤزللیکله چینی موتیولری ایله گونبز و کمرلرین‌‌ده‌کی قلم ایشلری، حیطی، کیتابخاناسی، تعلیم قوروملاری ایله بیر صنعت نؤوعونون ذیروه‌سینی تمثیل ائدیر.

معمارلیق صنعتینین ان گؤرکه‌م‌لی نومونه‌لرین‌دن بیری و اینسانین یارادیجی دهاسینین بیر شاه اثری اولاراق قبول ائدیله‌ن سلیمیه مسجیدی و کۆللیه‌سی، ۲۰۱۱.جی ایلده یونسکونون دونیا میراث لیسته‌سینه آلیندی.

تاریخ
2019.07.15 / 18:31
مولف
آینوره مممدووا
شرح لر
دیگر خبرلر

ایران ایروان‌داکی بو تاریخی عابده‌میزی منیمسییر - فوتو

ایلین سون چرشنبه‌سی - عادتلر و اینانجلار

بو، تورکلرین توران بایرامیدیر، فارسا عاید دئییل – آراشدیرما

باکی‌دا «قارداشلیق داستانی» آدلی کنسرت کئچیریله‌جک

«کوراوغلو هاوالاری» نین ماهر ایفاچی‌سی: آشیق دمیر گده‌بیلی

گوگل‌-ین «تهلوکه‌سیزلیک کرالیچاسی»: پریسا تبریز…

شوشینسکی: واختین‌دا صحنه‌دن گئتمیین ان آغایانا نمونه‌سی…

آوروویزییا-۲۰۲۴»: اونلاین سسوئرمه‌ده نئچه‌نجیییک؟

مدلین ۷ میلیونلوق مالیکانه‌سی کول اولدو - فوتو

سیبل جان ممدباغیرین ماهنی‌سینی اوغورلادی - ویدئو

خبر خطّی
Axar.az'da reklam Bağla
Reklam
Bize yazin Bağla