آنا صحیفه کولت |
آذربایجاندا توریزم سئکتورونون اینکیشافی، خصوصیله ده داخیلی توریزمه ماراغین آرتماسی اهالینین موختلیف بؤلگهلره سفرلرینین سایینی آرتیریب. گئتدیکجه داها چوخ اؤلکه وطنداشی موختلیف بؤلگهلرین صفالی گوشهلرینده استراحت ائتمهیه اوستونلوک وئریرلر.
آخار. آذ اؤلکهنین ان گؤزل ۱۲ کندینی تقدیم ائدیر. هرچند قئید ائتمک لازیمدیر کی، آذربایجاندا بو کندلردن ده گؤزل و صفالی کندلر آز دئییل.
۱. خوشبولاق کندی، داشکهسهن
خوشبولاق رایون مرکزیندن تقریباً ۷ کم مسافهده یئرلشیر. اوولکی آدی خاچبولاق اولان کند موستقیللییه قدهم قویدوغوموز ایللردن سونرا خوشبولاق اولاراق دییشدیریلیب. خوشبولاق کندی و یاخود یایلاغی تمیز هاواسی، صاف بولاقلاری ایله تانینیر. بو یایلاق اساساً گنجهلیلرین دده-بابادان یورد یئری اولوب. یایلاق مؤوسومونون باشلانماسی ایله خوشبولاق کندینین جامااتینین گلیرلری آرتیر. خوشبولاقلیلار بو مؤوسومده ائولرینی کیرایه وئرمکله، گلن قوناقلارا قاتیق، پئندیر، تندیر چؤریی ساتماقلا دولانیرلار. بورا غرب بؤلگهسینین ساکینلرینین ان چوخ اوز توتدوغو مکاندیر.
۲. حاجیکند قصبهسی، گنجه
زنگین مئشه زولاقلارینا صاحب حاجیکند قصبهسی غرب بؤلگهسینه استراحته گلنلرین ان گزمهلی، ان گؤرمهلی مکانلارینداندیر. بورادا بیر چوخ استراحت دوشرگهلری وار. اراضیدن کورکچایین آخماسی بورایا گلنلرین استراحتی اوچون داها دا الوئریشلی ایمکان یارادیر.
۳. کیش کندی، شکی
کند شکیدن ۵ کم اوزاقلیقدا کیش چایینین ساحلینده، داغتیی اراضیده یئرلشیر. قدیم یاشاییش منطقهلریندندیر. آلبان تاریخچیسی مووسئس کالانکاتلینین "آلبان تاریخی" اثرینده آدی کیس کیمی چکیلیر. ۷۰۰۰ نفر اهالیسی اولان کندین اراضیسی توریزم اوچون الوئریشلیدیر. دؤرد طرفدن داغلا احاطه اولونان کندین اساس حیصهسی "تات" داغینین اتیینده یئرلشیر. اؤز منبعینی کیچیک قافقاز سیرا داغلاریندان گؤتورهن کندین کناریندان آخان کیش چایی مئشه ایله احاتلنیب. کندده چوخ سایدا قدیم تیکیلیلر مؤوجوددور.
۴. ایلیسو کندی، قاخ
ایلیسو کندی رایون مرکزیندن ۱۲ کم مسافهده، دنیز سوییهسیندن ۱۳۵۶-۱۰۹۱ مئتر یوکسکلیکده یئرلشیر. کنددن ۱۰ کم شرقده رایونون ان هوندور زیروهسی قاراقایا داغی وار. اراضیده بوتونلوکله قیشی رطوبتلی کئچهن سویوق ایقلیم تیپی حاکمدیر. قارلا اؤرتولو گونلرین سایی ۱۲۰-۱۶۰ گوندور. کند یاخینلیغیندا زنگین معالیجه اهمیتلی طبیعی مینئرال سولار مؤوجوددور. حامامچای مینئرال بولاغینین تمپراتورو ۴۰°-دیر. بوندان باشقا، ایلیسودا موهسو، گؤزبولاق، اوغلانبولاق، قیزبولاق مینئرال سولاری دا وار. ایلیسو توریستلرین ان سئویملی استراحت یئرلریندن بیریدیر. اراضیده بیر چوخ گؤزل بولاقلار وار. اونلاردان داها مهشور اولانی بئشبولاقدیر.
۵. کاتخ، بالاکهن
کاتئخ کندی آذربایجانین قدیم یاشاییش مسکهنلریندن بیریدیر. خالدان-بالاکهن ماگیسترالی اوزرینده یئرلشهن کند اراضیسینده ۵-۷-جی عصرلره عایید قالا دیوارلاری، ۱۷-۱۸-جی عصرلره عایید گؤزتچی قولللری و قالالار، همچینین ۱۸-جی عصره عایید ایسلام علمی مرکزی و سایر تاریخی-معمارلیق عابدهسی کیمی قورونور. کنددهکی کاتئخچای شلالهسی ایسه آذربایجاندا ان مشهور شلالردن بیریدیر. شلالهنین هوندورلویو ۲۰ مئتره یاخیندیر. شلالهیه گئتمک اوچون کاتخ کندیندن کئچهن سرت ائنیش-یوخوشلارلا حرکت ائتمک لازیمدیر. بورا توریستلرین ان چوخ اوز توتدوغو مکانلاردان بیریدیر.
۶. لاهیج قصبهسی، ایسماییللی
قصبه آذربایجانین شیمالیندا، بؤیوک قافقاز سیرا داغلارینین جنوب یاماجیندا، دنیز سوییهسیندن ۱۵۰۵ م هوندورلوکده یئرلشیر. لاهیج گیردیمان چایینین ساحلینده یئرلشمکله باباداغ و نیالداغ سیلسیلهلری ایله احاطه اولونور و اونا طبیعی قالا شرایطی بخش ائدیر. ۱۹۸۰-جی ایلدهن موزئی-قوروغا چئوریلمیش لاهیجدا همین ایللردن یادیگار قالان محله مسجیدلری، سو کمری و کانالیزاسییا (کوربند)، گیردیمان قالاسی قورونور، سنتکارلیق عنعنهلری داوام و اینکیشاف ائتدیریلیر. لاهیج قصبهسینین ان گؤرکهملی عابدهسی گیردیمان چایینین ساحلیندهکی ۷۲ اوتاقلی، ۳ مرتبهلی حاجی پاشا ائویدیر. بو ائو ۱۸-جی عصرین اورتالاریندا ۱۴ ایل مدتینده، لاهیجین معمارلیق اصلوبونون بوتون کومپونئنتلری نظره آلیناراق اینشا اولونوب. بو بینانی لاهیج جاماعاتی "حاجیلار حیطی" ده آدلاندیریرلار.
۷. دوروجا کندی، قبهله
کند شاهداغین اتیینده دؤرد طرفی داغلار، سیلدیریم قایالار و مئشهلرله احاطه اولونموش تخمینی ۱۲۰ ائودهن عبارتدیر. قبهلهنین مرکزیندن ۳ کم مسافهده یئرلشیر. کندده عینی آدلی چای آخیر. بورادا ۳ تپه داغینی، بیر چوخ یایلاقلاری گزه، سرین بولاقلاریندان سو ایچه بیلرسینیز. کندین طبیعتی اولدوقجا زنگیندیر.
۸. خینالیق کندی، قوبا
خینالیق دونیانین ان یوکسک یاشاییش منطقهلریندن بیریدیر (دنیز سوییهسیندن ۲۳۵۰ مئتر یوکسکلیکده). ۵۰۰۰ ایللیک تاریخه مالیکدیر. بؤیوک قافقاز داغلاری سیلسیلهسینین شاهداغینین یاخینلیغیندا داغلار ایله احاطه اولونموش بیر اراضیده، باش قافقاز و یان سیلسیلهلری آراسینداکی چؤککلیکده اولان خینالیق کندی، قوبا شهریندن ۵۷ کم جنوب-قربده یئرلشیر. کندین اطرافیندا چوخ سایدا بولاقلار و ماغارالار وار. کنددن ۱۴ کم مسافهده ایسه شاه یایلاغی یئرلشیر. خینالیق هم ده اوزونؤمورلولر مسکهنیدیر. کنده گلن توریستلر تکلیف اولونان کیرایه ائولرده قالا بیلرلر.
۹. لزه کندی، قوسار
لزه کندی بؤیوک قافقازین جنوب-قربینه و شیمال-قربینه گئدن کاروان یولو اوزرینده (کوروئ پئرئوال)، دنیز سوییهسیندن ۱۳۰۰ م یوکسکلیکده اولان داغ چؤککلیینده یئرلشیر. کندی گؤزل منزره احاطه ائدیر، قایالیقلاردان چوخلو شلالهلر آخیر. سون زامانلار شاهداغ، قیزیل قایا، توفان، بازاردوزو و یوکسک داغ یایلاقلارینا گلن خاریجی توریستلرین سایی آرتماقدا داوام ائدیر.
۱۰. خانبولان کندی، لنکران
کندین اراضیسی مئشهلیکله احاطه اولونوب و بورادا استراحت مرکزلری فعالیت گؤستریر. خانبولان گؤلو ایسه گؤرهنلری هئیران ائدیر.
۱۱. ایستیسو کندی، ماساللی
کند موالیجوی سولاری ایله مشهوردور. یئرین آلتیندان چیخان ایستی سویون طبیعی حالدا تئمپئراتورو ۶۹ درجه اولور. رنگلرین سیخلاشدیغی ایستیسو مئشهلری رایون مرکزیندن ۱۲ کیلومئتر آرالیدادیر. پاییزدا طبیعتین بوتون رنگلرینی بورانین مئشهلرینده گؤرمک اولور. ایستیسو شلالهلری ایله ده مشهوردور. مئشهنین درینلیینده گیزلنهن شلالهلرین اطرافی سرین اولدوغوندان، یای آیلاریندا اینسانلار شلالهلره یاخین یئرلرده پیکنیک ائتمیی خوشلاییرلار.
تاریخ
2019.08.17 / 11:47
|
مولف
آینورا مممدووا
|