شنبه گونو آخشام ساعتلارین‌دا غربی آذربایجانین خوی شهرین‌ده ۲-جی «شمس و مؤولانا» فستیوالی‌نین آچیلیشی اولوب.

آخار. آذ خبر وئریر کی، فستیوالین ایجراچی کاتیبی رضا جعفرپور دونیا شهرت‌لی آذربایجان‌لی صوفی عالیم شمس تبریزی‌نین توربه‌سین‌ده کئچیریله‌ن فئستیوال باره‌ده بیلدیریب کی، تدبیرین کئچیریلمه‌سین‌ده اساس مقصد شمس و مؤولانا حاق‌دا صنعت اثرلرینین یارادیلماسی‌دیر. قید ائتمک لازیمدیر کی، بو ایشده بیرینجی پریوریتئت شمس تبریزی‌دیر.
«فستیوالا اؤلکه‌نین بوتون بؤلگه‌لرین‌دن سنتکارلار قاتیلیب، اونلار اؤز اثرلرینی نوماییش ائتدیریر. فئستیوال اوچ حیصه‌دن، داها دقیق دئسک موسیقی، شعیر و گرافیکادان عبارت‌دیر.»- دئیه او بیلدیریب.

قید ائدک کی، ۲-جی «شمس و مولانا» فستیوالی آوقوستون ۱۹-دک داوام ائد‌جک. ۵-جی بین الخالق شمس تبریزی قورولتایی ایسه سنتیابرین ۲۹-دا خوی شهرین‌ده باش توتاجاق.