آنا صحیفه کولت |
بو گون غزلخان-شاعر حاجی مایلین وفاتینین ۲۰ ایلی تمام اولور .
گؤرکملی فضولیشوناس-عالیم، غزلخان-شاعر، فیلولوگییا علملری نامیزدی مایل ایسمایل اوغلو علیئو (حاجی مایل) ۱۹۳۵-جی اوکتیابرین ۲۵-ده باکینین نارداران کندینده آنادان اولموشدو. ۱۹۵۱-جی ایلده کند یئددیایلیک مکتبینی، ۱۹۵۴-جو ایلده ماشتاغاداکی ۱۲۸ سایلی اورتا مکتبی، ۱۹۶۰-جی ایلده ایسه آذربایجان دؤولت بدن تربییهسی اینستیتوتونو بیتیرمیشدی.
اوشاق یاشلاریندان کلاسسیک شرق ادبیاتینا، ایلک نؤوبهده فضولی یارادیجیلیغینا بؤیوک هوس گؤسترمیشدی. بو هوسی اوندا نارداران کندینین ادبی محیطی و آتاسی ایسماعیل کیشی اویاتمیشدی.
علیئو ایگیرمی ایلدن آرتیق آذربایجان میللی علملر آکادئمییاسینین محمد فضولی آدینا الیازمالار اینستیتوتوندا چالیشمیشدی. تورک، فارس و عرب دیللرینی یاخشی بیلدییندن اورتا عصرلرین الیازمالاری اوزرینده درین تدقیقات ایشلری آپارمیش، «فضولی دیوانینین تکستولوژی تدقیقی و علمی-تنقیدی متنی» کیتابینی عرصهیه چیخارمیشدی.
بوندان باشقا، او، «جاهانشاه حقیقی. سئچیلمیش اثرلری» و «داهیلرین گؤز یاشی» کیتابلارینین ترتیبچیسی ایدی.
رداکتورلوغو آلتیندا بوراخیلان کیتابلار ایسه بونلاردیر: «کیشورینین سئچیلمیش اثرلری»، «محمد فضولینین «لیلی و مجنون» اثرینین علمی تنقیدی متنی»، «حاجی شیخ علی توطینین شعیرلری».
حاجی مایل هم ده روان تب=لی شاعر ایدی. ۱۹۸۶-جی و ۱۹۹۴-جو ایللرده ایکی غزللر توپلوسو چاپدان چیخمیشدی. غزللری بو گون ده خوانندهلریمیز طرفیندن ایفا اولونور.
او، «مجموع الشعرا» ادبی مجلیسینین برپاچیسی، «فضولی» ادبی مجلیسینین تشکیلاتچیسی و صدری اولموشدو.
حاجی مایل ایکی دفعه مقدس مکه و مدینهنی، دفعهلرله کربلا و مشهدی زیارت ائتمیشدی.
دؤرد اوغلو و سکیز نوهسی وار.
۱۹۹۹-جو ایل آوقوستون ۲۲-ده آغیر خستهلیکدن سونرا وفات ائتمیشدیر.
غزل
عاریف اولانین سئوگیلی جانانی وطندیر،
هم ناموسو، هم غیرتی، ویجدانی وطندیر.
هر کس وطنی سئومهسه، اینسان دئییل اصلا،
اینسان اولانین جیسمیده هم جانی وطندیر.
مین درده دوچار اولسا دا اؤولادی-وطن گر،
هر چارهسینی قیلماغا لوغمانی وطندیر.
یارین قمی-هیجرانینا دؤزمکده نه واردیر،
ان موشکول اولان دهرده، هیجرانی-وطندیر.
اؤلسم وطن اوغروندا بونا فخر ائدرم من،
کؤنلوم، نه زامان ایستهسه، قربانی-وطندیر.
هر کس سوروشا گر منیم عنوانیمی سیزدن،
اول شخصه دئیین: - مایلین عنوانی وطندیر.
تاریخ
2019.08.22 / 09:39
|
مولف
آینورا مممدووا
|