قهرمان‌لیق و جسورلوق ایفاده‌لری سانکی آذربایجان خانیملارینین آدی ایله قوشالاشیب. تاریخیمیزین قدیم دؤورلردن ایندیدک صحیفه‌لرینی ورقلدیکجه قارشیمیزا اؤز جانینی وطنی اوچون فدا ائتمک‌دن چکینمه‌یه‌ن نئچه قادین قهرمانلار چیخیر. بو گون آخار. آذ اونلاردان بیری اولان م هریجان خاتون حاقین‌دا یازی تقدیم ائدیر

مهریجان خاتون ایراق سلجوق سلطانی ۳-جو توغرولون (۱۱۷۷-۱۱۹۱) قیزی ائلده‌نیزلر دؤولتینین سونونجو حکمداری مظفرالدین اؤزبیین(۱۲۱۰-۱۲۲۵) حیات یولداشی اولوب. آتابی اؤزبیین دؤولت ایشلرین‌ده ان یاخین کؤمک‌چی‌سی و مصلحتجی‌سی اولان مهریجان خاتون اؤز دؤورونون گؤزل بیلیینه و ایداره‌چی‌لیک باجاریغینا مالیک اولموشدور. او، دؤولتین ایداره اولونماسی و سیاستله باغلی مسئله‌لرده فعال مؤقعیه مالیک ایدی.

۱۳-جو عصرین اوللری ائلده‌نیزلر دؤولتی اوچون هئچ ده اوغورلو اولمادی. گورجولر، مغوللار و خارزمشاهلارین یوروشلرینه مقاومت گؤسترمک آرتیق ایچریدن ضعیفلمیش دؤولت اوچون آسان دئییلدی. خارزمشاه جلالددین آذربایجان سرحدلرینه چاتدیغی بیر واخت‌دا گورجولر ماراغا اوزرینه هوجوم چکمیش، آتابی اؤزبک ایسه اؤز ضعیف‌لیگی اوجباتین‌دان دؤولتی قورویوب مودافیه ائده بیلمیردی. اؤزبک دؤولت ایشلریندن تمامیله اوزاقلاشدیغینا گؤره آذربایجان آتابیلری دؤولتینین اصل صاحبی اونون آروادی - ملیکه مهریجان خاتون ایدی. جلال الدین سرحدلریمیزی کئچرکن اؤزبک تبریزدن گنجه‌یه، اورادان دا ناخچیوانا، الینجه قالاسینا قاچمیشدی. مهریجان خاتون اؤزونون نفوذو حسابینا خوی، سالماس و اورمییانی اؤز ایدارچیلیینده ساخلایا بیلمیشدی. مهریجان خاتون محض ۱۲۲۵ ایلده تبریز حاکمی شمس الدینله بیرلیکده تبریز، خوی، ناخچیوان شهرلرینین ایشغالچیلاردان آزاد اولونماسین‌دا بؤیوک هونر گؤسترمیشدیر. تبریز یاخینلیغین‌دا "قیلینجلار سینان و نیزه‌لر جینگیل‌ده‌یه‌ن دؤیوشلر» گئدیردی. نهایت جلال الدین مباریزه‌نین معناسیز اولدوغونو آنلادی. مهریجان خاتونو تبریز،خوی حاکمی کیمی تانیدی. اریندن فرق‌لی اولاراق مهریجان خاتون تبریزی ترک ائتمه‌دی، خالقینی باش‌سیز قویمادی. اونون مردلیگی و عقلی، محکم خاصیتی خارزمشاه جلالد الینی گئری آددیم آتماغا مجبور ائتدی.