آنا صحیفه کولت |
سورقو: شاخ سئی کلمه اوزره نه دئمک ایستردینیز؟
جاواب: شاخسئی کلمه سی "شاه حسین" کلمه سینه داها دا اویقون گؤرونر. آدی کئچن کلمه-ده "ه" حرفی نین "خ"لشمه سی و "ن" حرفی نین دوشمه سی ایله "شاخ سئی" ایفاده سی اورتایا چیخمیش نظره گلر.
"شاه حسین، وای حسین" کلمه لری زامان گئدیشی ایله "شاخ سئی واخسئی" اولموش گؤرونرلر! امام حسین نی کوفه یه نه اوچون دعوت ائتدیکلرینی نظره آلار و بو حرکتین یئنیلگه یه اوغراماسینی اوزره دوشونرسک، "شاه حسین، وای حسین" کلمه لری ساوادسیز خالق کیتله سی طرفیندن "شاخ سئی واخ سئی" اولماسی دا منطیقه اویقون گؤرونر. اوسته لیک یزید اؤزونو خلیفه قلمه آلدیغی اوچون کوفه-دکی شیعه لر امام حسین اوچون خلیفه لقبی دئییل، شاه لقبی وئرمگه دوشونموشلر گؤروشو داها دا منطیقه اویقون حئساب اولونار. بیر ده عربجه "ح" حرفی عربلر طرفیندن داماغدا تلفظ اولدوغو، "شاه" کلمه سی عربلر اوچون نامأنوس اولدوغو اوچون "شاخ حسین واخ حسین" ایفاده سی کوفه اطرافینداکی ساوادسیز خالق طرفیندن اورتایا آتیلماسی داها دا قبوللوق گؤره بیلر.
تاریخ
2019.09.14 / 13:00
|
مولف
ایشیق سؤنمز
|