آنا صحیفه کولت |
غربی آذربایجاندا آدامباشینا دوشهن کینوتئاتر اوتوراجاغینین سایی دونیا ایستاندارتینین ۱۰-دا بیری قدردیر.
بو بارهده غربی آذربایجانین مدنیت و ایسلام ایرشاد ایدارهسینین باش دیرکتورو آخوند ناصر خودایاری ایرنا-یا دانیشارکهن دئییب.
اونون سؤزلرینه گؤره، قربی آذربایجاندا هر مین نفره ۱ کینوتئاتر اوتوراجاغی دوشور. هانسی کی، دونیا ایستاندارتلاریندا هر یوز نفره بیر اوتوراجاق دوشور.
«حاضردا ویلایتده ۵ کینوتئاتر فعالیت گؤستریر. اونون ۳-او اورمودا، بیری خویدا، بیری ده تیکانتپهده یئرلشیر. آراشدیرمالاریمیزا گؤره، اورمودا ۲۱۲۰، خویدا ۶۰۰، تیکانتپهده ایسه ۲۰۰ کینوتئاتر اوتوراجاغی وار»، – خودایاری معلوماتدا قئید ائدیر.
خاطیرلاداق کی، ایرانا فیلم صنایعسی و ایلک کامرا میلادی تقویمله ۱۹۰۰-جو ایلده موزففرددین قاجار شاهی طرفیندن گتیریلیب. ایلک ایران کامرامانینین آدی ایبراهیم خان اکاسباشی اولوب.
تاریخ
2019.09.14 / 20:41
|
مولف
Axar.az
|