آنا صحیفه کولت |
کولت .آذ عبراتامیز حکایهلر سیلسیلهسیندن نؤوبتینی حکایهسینی تقدیم ائدیر:
اوشاق واختی آتاملا سیرکه گئتمیشدیک. بیلط ساتیلان کاسسانین قارشیسیندا اوزون بیر نؤوبه وار ایدی. بیزدن اؤنده آتا، آنا و ۶ اوشاقدان عبارت بیر عائله دایانمیشدی. کاسیب اولدوقلاری چوخ بیلینیردی. پالتارلاری کهنه اولسا دا، چوخ تمیز ایدی. اوشاقلار سئوینجدن آتیلیب، دوشوردولر. سیرکه گله بیلدیکلرینه گؤره چوخ خوشبخت ایدیلر.
بیر آزدان اونلارا دا نؤوبه چاتدی. آتا کاسسایا یاخینلاشدی و بیلطین قیمتینی سوروشدو. کاسیر اونا بیلطین قیمتینی دئیهندن سونرا کهکهلهمهیه باشلادی. دؤنوب حیات یولداشینین قولاغینا نلرسه پیچیلدادی. اوزوندن نئجه بیر پیس وضعیته دوشدویو اوخونوردو.
قفیل آتام جیبیندن ۲۰ دلار چیخاردی و یئره آتدی. سونرا دا اییلیب یئردن قالدیردی و کیشینین چینینه توخوناراق:
— «پولونوز یئره دوشدو، جناب» دئدی. کیشی آتاما باخدی و گؤزلری دولاراق: «تشکر ائدیرهم، جناب» دئدی.
اونلار بیلط آلیب ایچری گیردیکدن سونرا آتام منیم الیمدن یاپیشاراق نؤوبهدن چیخدی. چونکی آتامین او کیشییه وئردیی ۲۰ دلاردان باشقا پولو یوخ ایدی.
او گوندن سونرا آتاملا فخر ائتدیم. او ایکی دقیقهده ایزلدییم آنلار منیم حیاتیمدا ان گؤزل تاماشا ایدی. او گون ایزلهیه بیلمدییم سیرکدن داها داها گؤزل بیر تاماشا.
تاریخ
2019.09.15 / 11:27
|
مولف
Axar.az
|