هر شئیلری ایله اولدوغو کیمی مطبخی و آغیز دادی ایله آذربایجان‌لیلارا چوخ یاخین اولان تورکیلر ده بعضی یئمکلرینی بیزیم پیتی قابلارینا بنزه‌یه‌ن ساخسی قابلاردا حاضیرلاییرلار. تورکلر بو قابلاری ‘‘گووچ’’ آدلاندیریرلار و چوخ زامان بو قابلاردا بیشیریله‌ن یئمکلرین ده آدی گووچ اولور.

آخار. آذ ‘‘کوزو اتلی، سبزه‌لی گووچ’’ آدلی یئمیین رسپتینی تقدیم ائدیر. گووچده هر نؤو ات، تروز و یا پاخلالی بیتکیلری بیشیرمک مومکوندور. اتلی و یا تروزلی گووچلری اننوی اولاراق هم اودون سوباسین‌دا، هم الکتریکلی سوبادا، هم ده اوجاغین اوستون‌ده بیشیره بیلرسینیز.

‘‘کوزو ائتلی، سبزه‌لی گووچ’’ یمیینین رسپتی بئله‌دیر:

۷۰۰ گرام خیردا دوغرانمیش قوزو اتی

۲ عدد سوغان

۴ عدد یاشیل بیبر

۴ عدد پومیدور

۲ عدد بادیمجان

۳ عدد کارتوف

۱ عدد یئرکؤکو

۱ عدد قاباق

۱ یئمک قاشیغی پومیدور توماتی

۳ دیش ساریمساق

۱ چای قاشیغی قورودولموش ککلیکوتو

۱ چای قاشیغی ایستیوت

یاریم چای ایستکانی زئیتون یاغی و دوز

حاضرلانما قای‌داسی بئله‌دیر:

ایلک نؤوبه‌ده گووچین ایچینی یاغلاییب اتلری قابین دیبینه یئرلش‌دیریریک. سوغانلاری حالقا شکلین‌ده دوغراییب یئمییمیزه علاوه ائدیریک. داها سونرا بادیمجان، قاباق و کارتوفو خیردا-خیردا دوغراییب اتین و سوغانین اوزرینه علاوه ائدیریک. پومیدورلاری حالقا شکلین‌ده دوغراییب بیبرلرله بیرگه یئمیین اوزرینه دوزون. داها سونرا پومیدور توماتینی سودا اریدین. ایسیوت، دوز، ککلیکوتو و زئیتون یاغینی حاضیرلادیغیمیز تومات‌لی سووسا سپیریک. ان سون حاضرلانان تومات‌لی سووسو یئمه‌یه الاوه ائدیریک. ‘‘کوزو ائتلی، سبزه‌لی گووئچ’’ یئمیینی ۱-۱،۵ ساعت عرضین‌ده بیشیرین. نوش اولسون.