تورکییه‌نین گؤز ببیی ایستانبول اولدوغو کیمی، ایستانبولو دا «تاکسیم» میدانی، «ایستیقلال جاده‌سی»سیز تصور ائتمک مومکون‌سوزدور. شهره گلن ایستر یئرلی، ایسترسه ده خاریجی توریستلرین ایلک اوز توتدوقلاری مکان دا محض «تاکسیم»دیر.

تاریخ بویونجا بیر چوخ سیاسی و اجتماعی حادثه‌لره شاهید اولان ایندیکی «تاکسیم» میدانین‌دا ۱۷۳۲-۱۷۳۳-جو ایللرده شهرین موختلیف بؤلگه‌لرین‌دن سویون چکیله‌رک، اهالی آراسین‌دا «تاکسیم ائدیلدیی» (بؤلوندویو) «ماکسیم» بیناسی اینشا ائدیلیب. حاضردا «تاکسیم» میدانین‌دا یئرلشن سککیزگوشه‌لی بو بینا عثمانلی دؤولتینین پادشاهلارین‌دان اولان ۱-جی محمود طرفین‌دن تیکدیریلیب. بیر زامان سونرا «تاکسیم ائتمک» و «ماکسیم» سؤزلری بیر-بیرینه قاریشاراق تیکیلینین اینشا ائدیلدیی بؤلگه اهالی‌سی آراسین‌دا تاکسیم اولاراق آدلاندیریلماغا باشلانیر. ۱۹۲۸-جی ایلده بورادا اینشا ائدیلن «جمهوریت عابده‌سی» ایسه بؤلگه‌نین تام اولاراق میدان آدینی قازانماسین‌دا اساس رول اویناییر. عابده ایکی ایل یاریم زامان عرضین‌ده ایتالییالی هیکلتراش پیترو جانونیجا طرفین‌دن حاضیرلانیب. یوکسکلیگی ۱۱ متر اولان عابده‌ده تورک خالقینین اولو اؤندری مصطفی کمال آتاتورکون و اونون سلاحداشلارینین هیکللری یئر آلیر.

»تاکسیم» میدانین‌دا یئرلشن ایندیکی «گزی پارکی»نین یئرین‌ده ۱۸۰۶-جی ایلده بؤلگه‌نین توپچو کازارماسی اینشا ائدیلمه‌یه باشلانیر. بؤیوک مادی چتین‌لیکلرله ۱۳۳ ایل فعالیت گؤسترن کازارما ۱۹۳۹-جو ایلده داغیدیلاراق یئرینده پارک اینشا ائدیلیر.

«تاکسیم» میدانینی تراموایسیز تصور ائتمک مومکون دئییل. شهرین آزادقاپی-بئشیکتاش بؤلگه‌لری آراسین‌دا فعالیت گؤستره‌ن ایلک تراموای ۱۸۷۱-جی ایلده آتلار واسطه‌سیله حرکت ائتدیریلیب. ۱۹۱۲-جی ایلده بالکان ساواشینین باشلاماسی ایله اؤلکه‌ده‌کی بوتون آتلار، او جمله‌دن تراموای خطین‌ده ایستیفاده ائدیله‌ن آتلار دا جبهه‌یه گؤندریلیب. بو سبب‌دن ایکی ایل عرضین‌ده ایستانبول‌دا تراموای سیستمینین فعالیتی دایاندیریلیب. ۱۹۱۳-جو ایلده «سیلاح‌تاراغا» الکتریک فابریکینین قورولماسی ایله تورکییه‌ده الکتریکلی تراموایلارین ایستحصالینا باشلانیلیب. بونونلا دا ایکی ایل‌لیک فاصیله‌دن سونرا ۱۹۱۴-جو ایل فورالین ۱۱-ده ایستانبول‌دا یئنی‌دن تراموایلارین فعالیتی برپا اولونوب. ایستانبولون مشهور «ایستیقلال جاده‌سی»نین عوض اولونماز رمزینه چئوریله‌ن تاکسیم تراموایینین فعالیتی بو مدت‌ده اینکیشاف ائد‌ن تکنولوگییا و شهرین یئنی‌لنمه‌سی ایشلری ایله علاقدار ایکی دفعه-۱۹۶۱-جی و ۱۹۶۶-جی ایللرده دایاندیریلیب.

«تاکسیم» میدانین‌دان شهرین تونل بؤلگسینه‌دک تخمیناً ۱۴۰۰ متر اوزونلوغو اولان «ایستیقلال جادده‌سی» اراضینین دوققوز آیری محله‌سینی احاطه ائدیر.

بورادا رستورانلار و ایله‌نجه مکانلاری گونون هر ساعتین‌دا فعالیت گؤستریر. شابالید قوخوسو، سیمیتی، «ماراش» دوندورماسی، کوچه موسیقی‌چیلری، تاریخی شیرنیاتچیلاری ایله مشهور «تاکسیم» میدانی و «ایستیقلال جادده‌سی» تورکییه‌نین، او جمله‌دن دونیانین ان چوخ توریست قبول ائد‌ن بؤلگه‌لرین‌دن بیری‌دیر. هر گون «تاکسیم» میدانی و «ایستیقلال جادده‌سی»ند‌ن تخمیناً ایکی میلیونا یاخین اینسان کئچیر.

اوزون زامان‌دیر نقلیات واسطه‌لرینین گیریشی قاداغان اولونان بو بؤلگه‌یه یالنیز تعجیلی طبی یاردیم و پلیس ماشینلارینین گیریشینه اجازه وئریلیر.

حاضردا «تاکسیم» میدانین‌دا تملی ۲۰۱۷-جی ایلده قویولان «تاکسیم» مسجیدی اینشا ائدیلیر. تخمیناً ۲ ۴۸۲ کوادراتمتر اراضی‌ده اینشاسی داوام ائد‌ن مسجیدین بیر ایل عرضین‌ده ایستیفاده‌یه وئریلمه‌سی نظرده توتولور.