آنا صحیفه کولت |
گؤرکهملی آذربایجان یازیچیسی و اجتماعی خادیم جلیل مممدقولوزادنین نتیجهسی مارتین جوانشیری و اوغلو پشمیسلاو جوانشیری آذربایجان میللی علملر آکادمییاسینین (آمئا) ویتسه-پرزیدنتی، آکادمیک عیسی حبیببیلی طرفیندن اؤلکهمیزه دعوت اولونوب.
آمئا-دان کولت. آذ-آ بیلدیریلیب کی، جلیل مممدقولوزاده شجرهسینین نمایندهلری یاخین واختلاردا ۶۸ ایلدن سونرا ایلک دفعه دوغما وطنده اولاجاقلار. اونلار آذربایجان میللی کیتابخاناسینین و آمئا-نین نظامی گنجوی آدینا ادبیات اینستیتوتونون تشکیلاتچیلیغی ایله اؤلکهمیزده جلیل مممدقولوزادهیه حصر ائدیلمیش علمی-مدنی تدبیرلره قاتیلاجاقلار. جلیل مممدقولوزادنین نسلینین داوامچیلاری، همچینین یازیچینین ائو-موزئیینی و فخری خیابانداکی مزارینی زیارت ائدجک، ادبیات اینستیتوتونون کولکتیوی ایله گؤروشهجکلر.
آکادمیک عیسی حبیببیلی اوزون ایللردیر کی، بؤیوک آذربایجان یازیچیسی جلیل مممدقولوزادنین زنگین و چوخشاخهلی ارثینی، حیاتی، موحیطی و معاصیرلرینی تدقیق ائدیب اؤیرهنمک، اثرلرینی دونیا دیللرینه ترجمه ائتدیرهرک کیتاب حالیندا نشر ائتدیرمک ساحهسینده آردیجیل ایش آپاریر. عیسی حبیببیلی، عینی زاماندا، جلیل مممدقولوزادنین نسیل شجرهسینی آراشدیریب معینلشدیرمک ایشی ایله مشغولدور. او، هله سووئت حاکمیتی ایللرینده «وطن» جمعیتینین خطی ایله جلیل مممدقولوزادنین خاریجی اؤلکهلرده یاشاییب-یاراتمیش نسلینین داوامچیلارینی آختاریب و آذربایجان ادبیاتینین و اجتماعی فیکرینین اینکیشافیندا بؤیوک خیدمتلری اولموش بو ضیالی نسلینین دونیانین آیری-آیری اؤلکهلرینده یاشایان نمایندهلرینی تاپیب معینلشدیریب. آکادمیک عیسی حبیببیلی ایلک دفعه ۱۹۹۲-جی ایل یانوارین ۲۵-ده جلیل مممدقولوزادنین ۱۹۴۱-جی ایلده اؤلکهدن چیخمیش اوغلو انور مممدقولوزادنین (۱۹۱۱-۱۹۷۹) اؤولادلاری میدحت جاوانشیری و ایرئن جوانشیری ایله تهران شهرینده گؤروشوب و اونلارلا علاقهلر یارادیب. او، همچینین ۱۹۹۸-جی ایلده پاریسده انور مممدقولوزادنین آذربایجان طب اونیورسیتتینین مزونو مهین دادیپورلا نیکاحیندان اولان قیزی مهری خانیم سقتچییا ایله ده گؤروشهرک، اونونلا دا علاقه قوروب.
مممدقولوزادهلر شجرهسی ایله علاقهلرینی داوام ائتدیرهن آکادمیک عیسی حبیببیلی بؤیوک دموکرات ادیبین پولشادا یاشایان نوه-نتیجهلرینین ده عنوانینی الده ائدرک، اونلارلا علاقه یاراتماق اوچون ایش آپاریب.
عیسی حبیببیلینین یازدیغی «جلیل مممدقولوزادنین نسیل شجرهسی» آذربایجان علمینده یازیچیلارین نسیل آغاجیندان بحث ائدن ایلک تدقیقاتلاردان بیریدیر.
تاریخ
2019.11.13 / 13:27
|
مولف
Axar.az
|