Axar.az
یوخاری
10 دکابر 2019


تبریزین گؤرکه‌م‌لی قیزی-یازی‌چی فریبا وفی

آنا صحیفه کولت
12 Punto 14 Punto 16 Punto 18 Punto

چاغداش گونئی آذربایجان ادبیاتینین اونلو ایسیملرین‌دن بیری ده فریبا وفی‌دیر.

اونون ان مشهور اثرلرین‌دن "زیرزه‌می قوشو" و "تیبت آرزوسو" دونیانین اکثر دیللرینه چئوریلیب یاییلمیش‌دیر. یارادیجی‌لیغینا گؤره چوخ‌لو موکافاتا لاییق گؤرولوب. اثرلری روس، عرب، یاپون و اینگیلیس دیللرینه ترجومه ائدیلمیش‌دیر.

فریبا وفی ۲۱ یانوار ۱۹۶۳-جو ایلده گونئی آذربایجانین باشکندی تبریزده آنادان اولوب. ایلک قیسا حکایه کوللئکسییاسی "صحنه‌نین درینلیکلرین‌ده" ۱۹۹۶-جی ایلده نشر ائدیلیب. ایکینجی قیسا حکایه کوللئکسییاسی "حتی گولدویوموز واخت‌دا" ۱۹۹۹-جو ایلین پاییزین‌دا چاپ اولونوب. ۲۰۰۲-جی ایلده همین نشریات فریبا خانیمین ایلک رومانینی – "زیرزمی قوشو" اثرینی نشر ائتمیش‌دیر. بو رومان گلشیری و یئل‌دا مکافاتلارینا لاییق گؤرولموشدور. رومان ۲۰۰۹-جو ایلده «سیراکوس اونیورسیتی پرس» طرفین‌دن اینگیلیس دیلین‌ده، ۲۰۱۰-جو ایلده «پونت ۳۳» طرفین‌دن ایتالیان دیلین‌ده، ۲۰۱۲-جی ایلده «روتبوجه Werlag» طرفین‌دن آلمان دیلین‌ده، ۲۰۱۶-جی ایلده آنادولو تورکجه‌سین‌ده، ۲۰۱۸-جی ایلده ایسه «پارلاق ایمضالار» طرفین‌دن باکی‌دا نشر ائدیلمیش‌دیر. اونون ایکینجی رومانی "ترلان" ۲۰۰۴-جو ایلده نشر ائدیلیب. رومان «سوژئت وئرلاگ» طرفین‌دن آلمان دیلین‌ده نشر ائدیلمیش و ۲۰۱۷-جی ایلده «لیبئراتورپرئیس» ادبی موکافاتینا لاییق گؤرولموش‌دور. داها سونرا، اونون "تیبئت رؤیاسی" رومانی ۲۰۰۵-جی ایلده نشر اولونوب. بو رومان "ان یاخشی رومان" کاتئقورییاسین‌دا هوشنگ گولشیری موکافاتینا لاییق گؤرولموش‌دور. اونون "دالان‌داکی سیرر" رومانی ۲۰۰۸-جی ایلده نشر ائدیلمیش، ۲۰۱۱-جی ایلده ایسه «زولما» طرفین‌دن فرانسیز دیلین‌ده نشر ائدیلمیش‌دیر. فریبا وفینین اوچونجو کوللئکسییاسی "ویللایا اولان یول‌دا" ۲۰۰۸-جی ایلده چاپ اولونوب‌دور. اونون "آی تامام‌لانیر" رومانی ۲۰۱۱-جی ایلده نشر ائدیلمیش‌دیر. بونا علاوه اولاراق، ۲۰۱۱-جی ایلده "هامی‌سی اوفوق‌ده" قیسا حکایه کوللئک‌سییاسی نشر ائدیلمیش‌دیر. فریبا خانیمین سونونجو رومانی "سون‌دان سونرا" ۲۰۱۴-جو ایلده، سونونجو قیسا حکایه کوللئک‌سییاسی "کولک‌سیز، آوارسیز" ایسه ۲۰۱۶-جی ایلده نشر اولونموش‌دور. آلمان آکادئمیک موبادیله خیدمتینین ادبیات اوزره ۲۰۱۹-جو ایل اوچون خصوصی موکافاتینا لاییق گؤروله‌ن مشهور یازارلار آراسین‌دا فریبا وفی ده وار. او، بو اؤدولو آلدیق‌دان سونرا، بئرلین شهرین‌ده یاشاماق حقوقو قازانمیش‌دیر.

تاریخ
2019.11.16 / 13:20
مولف
Axar.az
شرح لر
دیگر خبرلر

تبریز ناموسو: تاریخی رومان -دوققوزونجو حیصه

تبریز ناموسو: تاریخی رومان -سککیزینجی حیصه

نظامی گنجوینین "خمسه"سی تورک دیلین‌ده نشر اولون‌دو

تبریز ناموسو: تاریخی رومان -یئددینجی حیصه

تبریز ناموسو: تاریخی رومان -آلتینجی حیصه

نسیمینین حلب‌ده‌کی مزاری تعمیر اولوندو - فوتو

تبریز ناموسو: تاریخی رومان -بئشینجی حیصه

تبریز ناموسو - تاریخی رومان -دؤردونجو حیصه

اورمو اونیورسیتتین‌ده«بوز چیچیی» مراسیمی لغو ائدیلدی

مشهور آمریکالی مسی اؤلدو

خبر خطّی
 
Axar.az'da reklam Bağla
Reklam
Bize yazin Bağla