۱۹۷۱-جی ایلده تبریزین حسار محله‌سین‌ده دوغولوب.

تحصیل آلماق اوچون مکتبه گئتدیین‌ده معلملری اونا و صینیف یولداشلارینا بوتون درسلری یالنیز فارس دیلین‌ده کئچیب، فارس دیلی و ادبیاتینی اؤیردیبلر.

آخار. آذ خبر وئریر کی، مکتبه گئتمزدن اؤنجه ایسه تورکجه یازیب-اوخوماغی آتاسین‌دان اؤیرنیب منیم‌سه‌ییب، بیر چوخ شاعرلرین شعیرلرینی ازبرله‌ییب.

شعیر اوخوماغی و اوخودوغو شعیرلری ازبرلمیی چوخ سئودیین‌دن، گئتدیی یئرلرده هامییا شعیر اوخویوب.

تبریزده خالق و صنعتکارلار طرفین‌دن دوزنلنه‌ن موسیقی تدبیرلرینین بیر چوخونون آپاریجی‌سی اولماق اونا حواله ائدیلیب. بئله‌لیکله ده کیتاب اولا بیلمه‌یه‌ن شعیرلرینی صحنه‌لردن خالقینا جان‌لی-جان‌لی چاتدیریب. آزریار اینسانلارین قولاغینا خوش گلن ملاحت‌لی سسینی ده تانرینین نعمتی ساییر. بو سس اونو جان‌لی شحیر کیتابی کیمی یاشاماغا دوغرو چکیر و بولوندوغو هر یئرده اینسانلارا سئوه-سئوه شعیر اوخوماقلا وطنه اولان اؤولادلیق بورجومو اؤد‌مه‌یه چالیشیر...

سناری، پیئس، شعیر،ائلجه ده ماهنی سؤزلری یازماق و آپاریجی‌لیق ائتمک اونون ایللر بویو اساس فعالیتی، هم ده ان سئویم‌لی مشغولیتی اولوب. بوتون قاداغانلارا رغما صحنه‌ده سایسیز-حسابسیز چیخیشلاری اولور، قله‌مه آلدیغی سناریلر تئاتر صحنه‌سین‌ده تاماشالارا دؤنوشوب. تبریز تلویزییاسی اوچون بیر نئچه سئریال متنی یازیب. اجتماعی موتیولی شعیرلری اونا بؤیوک ادبی حؤرمت قازاندیریب.