آنا صحیفه کولت |
«مولتیکولتورالیزم» ژورنالینین باش رداکتورو، یازیچی فخری اوغورلو رئپورت مئدیا مکتبینین طلبهلری ایله گؤروشوب.
او، گنجلره آذربایجان دیلینین زنگینلییندن، چاغداش آذربایجان ادبیاتیندان، معاصر تندنسییالاردان دانیشیب.
«سؤزلری هارادان تاپیرسینیز؟ یازیچی یئنی سؤزو ادبیاتا نئجه گتیریر» سوالینی جوابلاندیران فخری اوغورلو بیلدیریب کی، دیله داخیل اولان سؤزلر موختلیف یوللارلا، یازیچیلارین واسطهسی ایله گتیریلیر: «بیز، یازی آداملاری، گلمه سؤزلردن قاچماغا چالیشیریق. اما صرف، نئجه دئیرلر، «پاپاق آلتیندا» قالمیش سؤزلری ادبیاتا گتیرمک ده آسان دئییل. اما گتیرهن گتیریر. ائله علی ولیئو، سلیمان رحیمووو اوخودوقدا گؤروروک نه قدر ماراقلی سؤز وار. دئیک، «پیرقولونون کورکو»نده بئله ایفادهیه راست گلیریک: پیرقولو کفسیزلمیشدی، قاپیسیندا بیر گزری ده قالمامیشدی. گزری قالماییب او دئمکدیر کی، مال-قارادان، قویون-قوزودان، تویوق-جوجهدن هئچ نیی یوخدور. ائلده بئله سؤزلر آز دئییل».
یازیچی آذربایجان ادبیاتیندا کیفایت قدر ماراقلی ایمضانین اولدوغونو قید ائدیب: «اؤتن عصرین ۶۰-جی ایللریندن باشلایاراق یئنی تندنسییالار، یئنی ادبی آخینلار، یئنی آب-هاوا بیزیم ده ادبیاتا گلدی. عیسی موغاننا، صابیر احمدوو، چینگیز حسینوو کیمی ایمضالار ادبیاتی زنگینلشدیردی. چاغداش ادبیاتداکی دینامیکانی گؤرمک اوچون او دؤوردن باشلایاراق اورتایا قویولان اثرلری ده بیلملیگیک».
داها سونرا فخری اوغورلو گنج ژورنالیستلرین سواللارینی جوابلاندیریب.
رئپورت مئدیا مکتبی ۲۰۱۸-جی ایلین ایون آییندا فعالیته باشلاییب. مئدیا مکتبینین مقصدی آذربایجاندا مئدیا ساحهسینده پئشکار کادرلار یئتیشدیرمک، دونیا مطبوعاتینین یارارلاندیغی معاصر ترندلری گنج ژورنالیستلره چاتدیرماق، ژورنالیستیکا پئشهسینه هوس دویان و بو ساحه اوزره ایشلهمک ایستهیهن شخصلرین پوتنسیالینی اوزه چیخارماق، پئشه اوزره پراکتیک بیلیک و باجاریغین آرتیریلماسینی تعمین ائتمکدیر.
تاریخ
2020.01.29 / 22:01
|
مولف
Axar.az
|