آنا صحیفه کولت |
دؤولتی افشارییهنین سعادتلی تاخت صاحبی نادیر شاه افشار حرمینین باش قادینی حساب اولونان راضیه سلطان صفوی دؤورو اوچون بؤیوک گوجه صاحب اولموش، ۲ دفعه سیاسی ائولیلیک ائدیب. (نادیر شاهدان اول گورجو شاهزادهسی ایله).
آخار. آذ خبر وئریر کی، او ۳-جو ایسماییلی تاختا چیخاراجاق قدر سؤزه حاکم اولموش، سارایدا شاه ۱-جی ایسماییل صفوینین دؤوروندن عنعنه کیمی گلن والده سلطان، صفوی شاهبانوسو وظیفهلرینی لیاقتله یئرینه یئتیرمیشدیر. بعضی تاریخچیلر اونون نادیر شاها، دیگر سلطان و اونلارین اؤولادلارینا، الخصوصدا رضاقولو افشارا دوشمن اولدوغونو قید ائتسهلر ده، بو سونراکی آراشدیرمالاردا اساسسیز حساب ائدیلیب. راضیه سلطان نه قدر صفوی سارای قادینی اولسا دا، نادیر شاه حرهمینین سؤزکئچیریلمز قایدا- قانونلارینا عمل ائتمهیه مجبور اولموشدور. راضیه سلطان نادیر شاه دؤورونده، اوندان اول و سونرادا اؤز ایشلرینی سلیقه ایله یئرینه یئتیرمیشدیر. نظره آلساق کی، اونلارین ائولیلیگی سیاسی سببلردن ایدی، اوندا نادیر شاهین صفوی شاهبانوسونون ایشلرینه قاریشماسی او قدرده ایناندیریجی گؤرونمور. سلطان صفوی سارایینین نادیر شاهدان سونرا یاشاماسینی تعمین ائدن تک سلطاندیر. سلطانین قدر گوجو یالنیز صفوی سارایینا خرجلهمهسی، اونون افشار سارایینا قیدسیز اولدوغونو دئییر. لاکین بو اونون افشارلارا دوشمهن اولدوغونو دئمک اوچون ده الده توتولاجاق اساس دئییل. شاه ادبیاتچی و دیپلمات اولدوغونو دا قید ائدک. او، کربلادا وفات ائدیب
تاریخ
2020.02.27 / 19:47
|
مولف
آینورا مممدووا
|