آذربایجانین زنگین تاریخه و بنزرسیز طبیعته مالیک قدیم یاشاییش مسکه‌نلرین‌دن بیری ده ایسماییل‌لی رایونونون باسقال قصبه‌سی‌دیر.

آخار. آذ خبر وئریر کی، باسقال ایسماییللینین ان قدیم یاشاییش یئرلرین‌دن بیریدیر. کند ۱۹۳۳-جو ایله کیمی رایون مرکزی اولوب. ۲۵۰۰-۳۰۰۰ ایللیک تاریخی اولان قصبه‌نین آدی باسقال توپونی‌می چوخمه‌نالی سؤزدور. تمیز تورک سؤزو اولوب "قالا قور"، "قالا اوجالت"، "باش قالا" معناسینی ایفاده ائدیر. باسقالین اهالی‌سی تخمیناً ایکی مین نفردن عبارت‌دیر.

اهالی، اساساً، کلاغایی ایستحصالی، کؤمورچولوکله مشغول‌دور. باسقال ایکی حیصه‌دن عبارت‌دیر. "او تای" آدلانان حیصه تخمیناً کئچه‌ن عصرین ۳۰-۴۰-جی ایللرین‌ده سالینیب. ساکینلرین اکثریتی توخوجو و بویاق‌چی اولوب. چایین سول ساحلی ایسه قدیم باسقال‌دیر. باسقالین کوچه‌لرینی گزرکه‌ن اؤزونو سانکی باکینین ایچریشهرین‌ده حس ائدیرسه‌ن. داش دؤشنمیش کوچه‌لری، سیخ تیکی‌لیلری ایچریشهره چوخ بنزییر. باسقال‌دا تیکیله‌ن ائولرین ان ماراق‌لی خصوصیتی اودور کی، ائولر هامی‌سی اوزو قیبله‌یه تیکیلیب. قصبه‌ده قوشابولاق، درمحلله، دمیرچیبازار، قلیبگاه، خارابییان، قالاباشی آدلی محله‌لر وار. هر محله‌نین آدی ایسه اورادا یاشایانلارین مشغولیت نؤعو، تاریخی کئچمیشی، ائتنیک ترکیبی ایله باغلی یارانیب. قدیم تاریخه مالیک باسقال قالا و مسجیدلری ایله ده مشهوردور.

باسقالی اؤلکه‌میزده و دونیادا تانی‌دان کلاغایی‌سی‌دیر. باسقال کلاغایینین وطنی‌دیر دئسک، یانیلماریق. باسقال اسرلربویو شیروانین، بوتؤولوکده آذربایجانین چوخ مهم ایپک معمولاتی ایستحصالی مرکزلرین‌دن بیری اولوب. آذربایجان‌لی خانیملارین عنعنوی باش اؤرتویو اولان ایپک کلاغاییلار باسقالا خصوصی شهرت قازاندیریب. کلاغایی ائله باش اؤرتوکلریندندیر کی، اونا هر زامان احتیاج دویولور. دبین سرعتله دییشیلدیینه باخمایاراق اؤرتویون اؤلچوسو، ناخیشلارینین فورماسی اولدوغو کیمی هله ده قالماقدادیر. اونو حتی دونیادا ان اوزونؤمورلو باش گئییملریندن بیری کیمی قبول ائتمک اولار. باسقال کلاغایی‌سی تکجه اؤلکه‌میزده دئییل، بوتون دونیادا تانینیر. ۱۸۶۲-جی ایلده لوندون‌دا کئچیریله‌ن عمومدونیا سرگیسینده ایسه باسقال‌لی توخوجو نصیر عبد العزیز اوغلو کلاغایی و قانوووز پارچایا گؤره سرگینین مئدالی و خصوصی دیپلومو ایله تلطیف اولونوب. حاضردا باسقال‌دا کلاغایی ایستحصالی ایله مشغول اولان چوخ آز سایدا آدام قالیب. کندده کلاغایی مرکزی فعالیت گؤستریر.