یوخاری

آذربایجان ادبیاتینین جهاندار آغاسی - ایسماییل شیخلی

آنا صحیفه کولت
12 Punto 14 Punto 16 Punto 18 Punto

سون درجه دینامیک، ائنئرژی‌لی، اؤزونه گووه‌نه‌ن، موستقیل دوشونجه‌لی، آزاد بیر اینسان ایدی. شخصی کئیفیتلری او درجه‌ده یوکسک ایدی کی، خالق ایچین‌ده بیر شخصیت کیمی بؤیوک نفوذ قازانا بیلمیش‌دی. دوستلاری اوچون چوخ شئیلر ائتمیش‌دی. اینسانلارا یاردیم‌چی اولماغی و اونلارین پروبلئملرینی پایلاشماغی سئوردی. گؤستریش آلماق‌دان خوشلانماز، اینادجیل، اؤز سؤزون‌دن دؤنمزدی. یئری گلن‌ده سرت چیخیشلاری ایله آودیتورییانی لرزه‌یه گتیره بیلیردی...

۱۹۱۹-جو ایل مارتین ۲۲-ده قازاخین ایکینجی شیخلی کندین‌ده معلم عائله‌سین‌ده دونیایا گلمیش‌دی. کوسالار کندین‌ده ایبتی‌دای مکتبی بیتیریب، اوچ ایل قازاخ پئداقوژی مکتبین‌ده تحصیل آلمیش‌دی. بیر ایل کوسالار کند اورتا مکتبین‌ده باش دسته رهبری و معلم ایشلدیک‌دن سونرا آذربایجان پئداقوژی اینستیتوتونون دیل و ادبیات فاکولته‌سین‌ده تحصیلینی داوام ائتدیرمیشدی. اورانی بیتیره‌رک بیر ایل قازاخ رایونونون کوسالار کند اورتا مکتبین‌ده درس حیصه مودیری ایشلمیش‌دی. ایکینجی دونیا محاربه‌سینه قاتیلمیش، سووئت اوردوسو ترکیبین‌ده اؤن جبهه‌لرده سیراوی عسگر اولموشدو. اوردودان ترخیص ائدیلدیک‌دن سونرا آلتی آی کوسالار کند مکتبین‌ده تدریس حیصه مدیری، آذربایجان پئداقوژی اینستیتونون فیلولوگییا فاکولته‌سین‌ده آسپیرانت، معلم، باش معلم اولموش، خاریجی اؤلکه‌لر ادبیاتی کافدراسینین مودیری، بیر مدت آذربایجان یازی‌چیلار اتفاقینین کاتیبی وظیفه‌لرین‌ده چالیشمیشدی. داها سونرا "آذربایجان" ژورنالین‌دا باش رداکتور، آذربایجان یازیچیلار اتفاقینین بیرینجی کاتیبی، اس اس ار ای یازی‌چیلار اتفاقینین کاتیبی اولموشدو. ۱۹۸۶-جی ایلده آذربایجان یازیچیلار اتفاقینین صدری، ۱۹۹۱-جی ایلده آذربایجان یازیچیلار بیرلیینین آغساققاللار شوراسینین صدری سئچیلمیشدی. ۱۹۹۵-جی ایل ایولون ۲۶-دا وفات ائدیب...

او، دونیایا گلنده آذربایجان دموکراتیک رسپوبلیکاسی جمعی بیر ایل ایدی کی، قورولموشدو. اؤلکه‌ده گوجلو اجتماعی-سیاسی پروسئسلر گئدیردی. آتاسی قهرمان کیشینین حلال معلم سفره‌سین‌ده گله‌جک شهرتین‌دن خبرسیز بؤیویوردو. و بیر گون، اون دوققوز یاشین‌دا ایک‌ن ایلک "قوشلار" شعیری "ادبیات" قزئتین‌ده درج اولونموشدو. بو اوندا بؤیوک هوس یاراتدی. باشی محاربه‌یه قاریشسا دا قلبه‌دن بیر ایل سونرا "اینقیلاب و مدنیت" ژورنالین‌دا چاپ ائتدیردیی "حکیمین ناغیلی" حکایه‌سی ایله موکمل ادبی یارادیجیلیغا باشلادی. او واخت‌دان سون نفسیندک اؤزونو ادبیاتا حصر ائتدی...

باشلادیغی ایشی سونا چاتدیرماغی خوشلاییردی. محکه‌م ایراده و فیزیکی گوجه، عینی زامان‌دا ایداره ائتمه قابیلیتینه صاحب ایدی. حلینی تاپمامیش پروبلئملره نیفرت ائدیردی. داوام‌لی اولاراق یئنی‌لیک آرزوسون‌دا اولماسی اونون ان دقت چکه‌ن خصوصیتلرین‌دن بیری اولوب. هئچ زامان اؤزونو محدودلاشدیرماغا چالیشمازدی. اونا نییسه بیندیرمه‌یه چالیشماق چتین اولسا دا اولدوقجا حساس اینسان ایدی...

عرصه‌یه گتیردیی اثرلر چوخ اولوب. اما اونا عمومخالق محبتی گتیره‌ن اثری ایسه "دلی کور» اولدو. بلکه ده اثرین باش قهرمانی جهاندار آغا اوبرازی اونون داخیلی دونیاسینین تظاهرو ایدی. اونون واسطه‌سی ایله جهاندار آغانی سئودیک، قلبیمیزده، یادداشیمیزدا یووا قوردو. نه قدر کی، جهاندار آغا یاشاییر، حاقین‌دا صحبت آچدیغیم خالق یازیچیسی ایسماییل شیخلی دا یاشایاجاق. بلی، ایللر اؤت‌جک، عصرلر بیر-بیرینی اوز ائد‌جک، آذربایجان ادبیاتینین جهاندار آغاسی- ایسماییل شیخلی هئچ زامان اونودولمایاجاق.

تاریخ
2020.03.21 / 22:24
مولف
Axar.az
شرح لر
دیگر خبرلر

گنجه‌لی قیزین سون دنیا تورو: باکییا نیه گلمیر؟

مشهور برند آدلاری: بئله یارانیب...

آمازونلارین آذربایجان‌دا موجودلوغونون داها بیر ثبوتو-فوتو

دونیانین ان غریبه موزه‌لری…

آناسینین «فریده»-سی، صحنه‌میزین نرمینه‌سی…

گونئی آذربایجان‌دا ملی رقصیمیز نماییش ائتدیریلدی - ویدئو

بو گون بین‌الخالق تئاتر گونودور

تاختا پارچاسی ۷۱۹ مین دلارا ساتیلدی

عرق، سرروز و سون رول - سمندر رضایئوین عمور یولو

آذربایجان کمدییاسینین بانیسی: ثابت رحمان

خبر خطّی
Axar.az'da reklam Bağla
Reklam
Bize yazin Bağla