کولت. آز سفیار مجنونون شعرینی تقدیم ائدیر:

یومشاق،
اتلی یارپاقلاری و اینجه چیچکلری اولان،
یئره یاتیق،
یابانی بیتکییه‌م.
اما پرپتؤیون دئییله‌م.
اللریم گیجیتکه‌ن‌دی.

تنته‌نه، تمته‌راق،
شادلیق، شادیانالیق،
دبدبه، بوسات یاغیر اوزوم‌دن.
اما توی-دویون دئییله‌م.
داماریم‌دان یاس آخیر.

گؤزلریم قیزیلگول،
قاشیم زنجفیل‌دی.
دوداغیم یاسه‌مه‌ن،
ساققالیم سارماشیق،
اهوالیم قره‌نفیل‌دی...

حدین‌دن آرتیق عزیزله‌نمک،
بوتون ایستکلرین یئرینه یئتمه‌سی اوچون
خودبین یاشایان،
اؤزونو سئوه‌ن،
زاهیرپرسر اینسانام.
اما ارکؤیون دئییله‌م.
ایچیم‌ده‌کی تورپاغا ایت باستیرمیشام.

قیزیم...
منی چؤزه بیلمرسه‌ن.
من آچیلان دویون دئییله‌م.

سفیار مجنون