سن جوابلاری ازبرله‌ییرسن، آما حیات هئچ واخت عینی سوالی تکرارلامیر.

اونوتما! نه زمان کی، سئچیم قارشیسیندا قالسان، او زمان بیلینمه‌یه‌نی، ریسکلی، تهلوکه‌لی و گووه‌نسیز اولانینی سئچ. اوندا هئچ واخت زیان گؤرمزسن.

سئو و داها آرتیق سئو، آجی چک و داها آرتیق آجی چک، بوتؤولوکده سئو و بوتؤولوکده آجی چک. چونکی صاف اولمایان قیزیل بیله بو یول‌لا آتش‌دن کئچه‌رک صاف قیزیلا چئوریلیر.

*بیری‌نین سهوی اوزوندن اؤزونو جزالاندیرماق آخماقجا بیر آددیم‌دیر.

بوگون، وار اولان هر شئی دیر؛ ایندی سنین وار اولدوغون، هر زمان وار اولاجاغین یگانه زمان‌دیر. یاشاماق ایسته‌ییرسن‌سه، یا ایندی اولاجاق، یا دا هئچ واخت اولمایاجاق.

ائگو بیر بوز داغی‌دیر. اونو اَریت. اونو‌ درین بیر سئوگی‌نین ایچینده اَریت، بئله‌لیک‌له او یوخ اولسون و سن، اقیانوسون پارچاسی حالینا گل.
* جسور دئییلسن‌سه، صمیمی اولا بیلمزسن. جسور دئییلسن‌سه، سئوه بیلمزسن. جسور دئییلسن‌سه، گووه‌نه بیلمزسن. جسور دئییلسن‌سه، حقیقتین آردینجا گئده بیلمزسن. بو سببدن ایلک اول جسارت گلر و دیگرلری اونو ایزله‌یر.

*هر زمان نه وارسا اونو گؤر. تلسمه. بیر شئیی یانلیش آنلاماقدان‌سا، آنلاماماق داها مقبول دور.

*یاشام کیچیک شئی‌لردن اولوشار. سن سئورسن‌سه، اونلار بؤیوک اولارلار.

*اونوتما، بئیین بیر قول اولاراق چوخ یاخشی بیر قول‌دور. چوخ ایشینه یارار. آما بیر صاحیب اولاراق تهلوکه‌لی‌دیر و بوتون یاشامینی زهرله‌یر.

*نه فرقی وار کیم گوجلو، کیم عاغیل‌لی، کیم گؤزل، کیم وارلی‌دیر؟ سونوج‌دا اؤنملی اولان، اینسان خوشبخت‌دیر می یا یوخ؟!

*خوشبخت‌لیک سیزین اولدوغونوز یئرده‌دیر، سیز هارداسینیزسا، خوشبخت‌لیک ده اوردادیر. او سیزی چئوره‌له‌ییر و او، طبیعی قاورام دیر. او هاوا کیمی، سما کیمی دیر.

اوره‌یی ایله باغلانتیسینی ایتیرمیش اینسانا تجربه‌لی دئییلیر.

مندن ده باشقالاری کیمی استفاده ائتمک ایسته‌ییردیلر، آنجاق اؤنجه‌دن اؤزوم اوچون کشف ائتدیم کی، منی جنته ایته‌له‌سه‌لر بیله، راضی اولمایاجام. اؤز ایسته‌ییم‌له جهنمه گئتمه‌یه بیله راضی‌یام. ان آزیندان بو منیم سئچیمیم‌دیر.