آنا صحیفه کولت |
باریش آکارسو ۱۹۷۹-جو ایل ایونون ۲۹-دا آماسرادا دوغولوب. اورتا و لیسئی تحصیلینی دا بورادا تاماملاییب. لیسئی ایللرینده آماسرا یئلکهنلی قاییق کلوبوندا پئشکار شکیلده بو ایدمان نؤوو ایله مشغول اولوب. موسیقییه ماراغی کیچیک یاشلاریندان باشلاییب. اورتا مکتبده اوخویارکهن علینده فلئیتا کوچهلری دولاشدیغینی دئییردی. پئشکار موسیقی ایلک تانیشلیغی آماسرایا کونسئرت اوچون گلن قروپلارین تأثیری آلتیندا اولوب.
تئلئقراف. جوم مشهور تورک روکچو باریش آکارسو حاقدا معلوماتلاری تقدیم ائدیر.
گیتارایا ماراق گؤسترهن آکارسو ۱۹۷۰-۱۹۸۰-جی ایللرین روکچولاریندان تأثیرلنیر. بیر مدت آنتالیادا هوسکار موسیقیچی کیمی چالیشیر. آنکاراداکی گئجه کلوبلاریندا بارمئن، اوفیسیانت و موسیقیچی کیمی ده اؤزونو گؤستریر. همین ایللرده دؤرد ایل عرضینده موختلیف بارلاردا، یئرلی تئلئکانال و رادیولاردا پروقراملارلا چیخیش ائدیر. همین دؤنهمده آتو کانالیندا یاییملانان «آکادئمی تورکیئ» یاریشماسینا قاتیلیر، ۲۰۰۴-جو ایلده یاریشی بیرینجیلیکله بیتیریر. یاریشدان درهال سونرا ایستانبولا یئرلشیر و موسیقی کاریئراسینی بورادا داوام ائتدیریر. یاریشدا شؤهرتین زیروهسینه قالخان باریش آکارسو تورکییهنین موختلیف شهرلرینده ۲۰۰-دن چوخ کونسئرت وئریب.
اوستاد سنتکارلارین ایزینده
جئم کاراجا و باریش مانچو کیمی اوستاد سنتکارلارین داوامچیسی و ولیهدی کیمی قبول ائدیلهن روکچونون ایلک آلبومو «ایسلاک ایسلاک» ۲۰۰۴-جو ایل دئکابرین ۳۱-ده ایشیق اوزو گؤرور. همین ایل بو آلبوموندا یئر آلان «ایسلاک ایسلاک»، «کیمدیر او»، «آماسرا» و «ماوی» کیمی مشهور ماهنیلارا کلیپ چکدیرمیشدی.
ایکی ایل سونرا ایکینجی آلبومو «دوشمئدئن بولوتلاردا کوشمام گئرئک»i پرستیشکارلارینا تقدیم ائدیر. آلبومدا ۱۰ یئنی ایفاسی ایله یاناشی، بستهسی اؤزونه عایید «یئتئر بئ» و «بئن» آدلی ایکی اثری ده واردی. ایکی آلبوموندا یئر آلان «ووردوم ائن دیبئ کادار» و «یاز دئمئدیم» ماهنیلارینا کلیپ چکدیریب.
«شؤفؤر تاریک»
۲۰۰۶-جی ایلده «ایستار»دا یاییملانماغا باشلانان «یالانجی یاریم» آدلی سئریالدا باش روللاردان بیرینین آغیرلیغینی اؤز اوزرینه گؤتورور. اؤلومو ایله یاریمچیق قالان بو سئریالدا حیات وئردیی «شؤفور تاریک» اوبرازی ایله میلیونلارلا تاماشاچینین اوریینده اؤزونه یئر ائتمیی باجاردی.
یاریم قالان آرزولار
باریش آکارسو ۲۸-جی دوغوم گونو – ۲۰۰۷-جی ایل ایونون ۲۹-دا بودرومدا آوتوموبیل قزاسی کئچیردی. قزا واختی آوتوموبیلده اولان زئینب کوچاک و نالان کاهرامان اولای یئرینده وفات ائتدی. باریش آکارسو ایسه خستخانایا اوریی دایانمیش حالدا گتیریلدی و هکیملرین موداخیلهسی ایله اوریی یئنیدن ایشلهمهیه باشلادی. بئش گونلوک رئانیماسییادادان سونرا – ایولون ۴-ده وفات ائتدی.
رئانیماسییادا قالدیغی مدتده پرستیشکارلاری و سئوهنلری خستخانا اؤنونده نؤوبهده دورموش، یاخشیلاشاجاغینا اومید ائتمیشدیلر. اؤلوموندن سونرا «یالانجی یاریم» سئریالی و یئنی هازیرلادیغی آلبومو یاریمچیق قالدی. ۲۰۰۸-جی ایلین یانوار آییندا سئریالدا سؤیلدیی ماهنیلارینین یئر آلدیغی و ۲۸ ایللیک حیاتیندان بحث ائدن دیسک بوراخیلدی. گنج یاشدا حیاتلا ویدالاشان باریش آکارسو دوغولدوغو آماسرادا تورپاغا وئریلیب.
هئیکلتراشین اؤلومو
مرهوم روکچویا آماسرادا قویولان هیکلی تانکوت اؤتکهم طرفیندن هازیرلانیب. هوندورلویو اوچ مئتر اولان هیکل اؤتکهمین وفاتی سببیندن کؤمکچیلری طرفیندن باشا چاتدیریلیب. هیکل اؤلومونون بیرینجی ایلدؤنومونده قویولوب. همین گون قزایا دوشدویو قووشاغا «باریش آکارسو» آدی وئریلدی.
خسته اوشاقلارا سئوگی
باریش آکارسو خئیرییهچی ایدی، یاردیم ائتمیی چوخ سئویردی. مئدیانین گوندهمینده یئر آلماسا دا، تئز-تئز خئیرییه کونسئرتلری وئریردی. خصوصاً ده تالاسسئمییا خستهسی اولان اوشاقلارا قارشی هسساسدی. «یاشاسایدی، تورکییهنین بوب گئلدوفو اولاجاقدی»، - اؤلوموندن سونرا اونون حاقدا تئز-تئز دئییردیلر.
قزادان ایکی گون اول – ایونون ۲۷-ده ایزمیره گئتدی. تپجیک خستخاناسیندا ۲۲ تالئسئمییالی اوشاغا باش چکدی – اوشاقلارلا اوینادی، فیلم ایزلهدی، ماهنی اوخودو…
گیتارا، موسیقی و موتوسیکلئت
سهنهده گؤروندویو گوندن رقابت و موباهیسهلرین مرکزینده ده یئر آلان روکچو فرقلی سسی و ایستعدادی ایله سئچیلمیشدی. اؤزو ایسه بو رقابتدن چوخ موسیقی، گیتاراسی و موتوسیکلئتینی چوخ سئودیینی دئییردی. موسابیقهدن قالیب کیمی آیریلدیقدان سونرا آرتیق کوچهیه چیخارکهن یوزلرله پرستیشکارینین اوستونه قاچدیغی سئویلهن بیر موسیقیچی ایدی. اؤلوموندن سونراکی گون چیخاریلان ایکی آلبومو ان چوخ آلینانلار سیاهیسیندا بیرینجیدی.
رئژیسسورسوز فیلم
موسابیقهدن سونرا بیر سئریال تکلیف گلدی. ائکران اثرینده بیر راللی پیلوتونو جانلاندیرمالی ایدی. چکیلیشلر ۲۰۰۶-جی ایل ایونون ۲۹-دا باشلادی. سئریالین ایلک بؤلومونده آغیر قزا کئچیرهجک، اما ساغ قالماغی باجاراجاقدی. دوز بیر ایل سونراکی دوغوم گونونده، یعنی ۲۰۰۷-جی ایل ایونون ۲۹-دا یئنه بیر قزا کئچیرهجکدی. اما بو دفعه نه رئژیسسور واردی، نه ایشیق، نه ده کامئرا…
تاریخ
2020.06.29 / 21:22
|
مولف
Axar.az
|