آنا صحیفه کولت |
قاپینین قولو سینمیشدی، یاخشی باغلانمیردی.
بو جملهدن آنلادیغیمیز:
قاپینین قولو سینمیشدی و قاپینین قولو یاخشی باغلانمیردی.
ایکینجی جمله یانلیشدیر. یازیچی دئمک ایستهییرمیش:
قاپینین قولو(دستگیره) سینمیشدی، قاپی یاخشی باغلانمیردی.
بورادا اؤزنه اسکیکلییی واردیر. سیرالی جملهلرده اورتاق اؤزنه قوللاناندا بو یانلیشلیق یارانیر.
اؤزنه(فاعل) اسکیلیک یانلیشینا بیر نئچه اؤرنک :
یاشارین پوللارینی آلدیلار و دؤیدولر.
اؤزنه اسکیکلییی واردیر.
"یاشارین پوللارینی آلدیلار و یاشاری دؤیدولر"
کیتابین قیمتی اولدوقجا چوخ ایدی آمما یارارلی ایدی.
( ... کیتاب یارالی ایدی)
یاشارین ماشینی دوزلدی، چوخ سئویندی.
( ... یاشار چوخ سئویندی)
کیمسه دینمیردی، سونوجو ماراقلا گؤزلهییردی.
( ...هامی سونوجو ماراقلا گؤزلهییردی)
توتوقلولارین سوروشدورمالاری بیتهندن سونرا، محاکمه اولاجاقدیلار.
(... توتوقلولار محاکمه اولاجاقدیلار)
هئچ کیم ترپنمهسین، یئره یاتسین.
(... هامی یئره یاتسین)
هامی گؤروردو آمما یاردیم ائتمیردی.
( ... آمما هئچ کیم یاردیم ائتمیردی)
هئچ بیری منه اینانمامیش، منی یالانچی بیلیردیلر.
(... هامیسی منی یالانچی بیلیردیلر.)
شعرلرینده بول بول آبارتیلمیش سؤزجوکلر سئچمهسی اوزوندن خطابه کیمی گؤرونور.
(... شعرلری خطابه کیمی گؤرونور.)
بو اؤرنکلری سایماقلا بیتمز.
"بیتمز" ین اؤزنهسی اؤرنکلری اولا بیلمز.
(بو اؤرنکلری سایماقلا اؤرنکلر بیتمز.)
(بو یاخشی جمله اولمور. باشقا جور یازا بیلهریک:
بو اؤرنکلر، سایماقلا بیتمز.
تاریخ
2020.07.01 / 15:02
|
مولف
احمد رستم اوغلو
|