آنا صحیفه کولت |
آذربایجان میللی علملر آکادمییاسینین محمد فضولی آدینا الیازمالار اینستیتوتوندا تانینان ایسلامشوناس صدرالدین بلاغینین «قران حکایهلری» کیتابی چاپدان چیخیب.
کولت. آذ خاطیرلادیر کی، اثری فارسجادان دیلیمیزه ترجمه ائدن دیلچیلیک اینستیتوتونون دیرکتورو، آکادمیک محسن ناغیسویلو، کیتابی ترتیب ائدن و نشره حاضرلایان الیازمالار اینستیتوتونون الیازمالارین و اسکی چاپ کیتابلارینین ترجمهسی شعبهسینین آپاریجی علمی ایشچیسی، فیلولوگییا اوزره فلسفه دوکتورو، دوسنت اکرم باغیروودور. نشرین علمی رداکتورو همین شعبهنین باش علمی ایشچیسی، فلسفه اوزره علملر دوکتورو زکییه ابیلووا، ترجمه ایشینین رداکتورو فارسدیللی الیازمالارین تدقیقی شعبهسینین بؤیوک علمی ایشچیسی رائوف شیخزامانلیدیر. کیتابین کورکتورلاری الیازمالارین و اسکی چاپ کیتابلارینین ترجمهسی شعبهسینین دیگر امکداشی، بؤیوک علمی ایشچی سونا جبارزاده و سئوینج رضایئوادیر.
ایسلام عالیمی صدرالدین بلاغی بو اثرینی مقدس «قران»داکی بیر سیرا مطلبلره ییغجام شکیلده، ساده دیلله آیدینلیق گتیرمک مقصدیله قلمه آلیب. کیتاب ایکی حیصهدن عبارتدیر. مؤلف بیرینجی حیصهده پیغمبرلرین باشلارینا گلن احوالاتلاری یوکسک اوستالیقلا، تأثیرلی حکایهلر شکلینده نقل ائدیب. هر حکایهین باشلانغیجیندا اونون «قرانی-کریم»این هانسی سورهسیندن گؤتورولدویو قید اولونوب. کیتابین «لغت» باشلیقلی ایکینجی حیصهسینده «قران»دا آدلاری چکیلمیش پیغمبرلر، حکایهلردهکی آیری-آیری صورتلر، دینی مفهوم و آنلاییشلارین ماهیتی حاقیندا معلوماتلار و «قران»این بیر چوخ آیهلرینین ایضاحلاری وئریلیب.
تاریخ
2020.07.01 / 19:28
|
مولف
Axar.az
|