آنا صحیفه کولت |
آذربایجانین گؤرکهملی شاعری، معاصر میللی پوئزییامیزین ان پارلاق سیمالاریندا اولان صمد وورغونون شئیرلری ایلک دفعه تورکییهده نشر اولونوب.
شئیرلر تورکییهنین ایستعدادلی گنج شاعری کنان چاربوغا طرفیندن ترجومه ائدیلیب. نشرده بؤیوک شاعرین «آجی گولوشلر»، «آدسیز شئیر»، «آنا»، «آنامین گلینی»، «باهار»، «چیچک»، «داغلار»، «شکیل» و س. مشهور شئیرلری توپلانیب.
کولت. آز خبر وئریر کی، کیتابین «اؤن سؤز»اونون مؤلفی آمئا-نین حقیقی عضوو، آذربایجاندا آتاتورک مرکزینین مودیری، آکادئمیک نظامی جفروو، نشرین مصلحتچیسی موشو وکیلوودور. «صمد وورغوندان سئچمه شئیرلر» آدی ایله تورکدیللی پوئزیاسئورلره تقدیم اولونان کیتابین رئداکتورلاری ائلچین قافارلی و دیانت عثمانلیدیر.
بو نشر کنان چاربوغا ایله ائلچین قافارلینین بیرگه لاییحهسی چرچیوهسینده آذربایجان ادبیاتی سئرییاسیندان اولان بیرینجی کیتابدیر. لاییحه چرچیوهسینده بو ایل عرضینده احمد جاوادین، میکاییل موشفیقین و جعفر جاببارلینین سئچمه شئیرلرینین ده نشر اولونماسی نظرده توتولوب.
تاریخ
2020.07.02 / 19:09
|
مولف
Axar.az
|