ایشغال‌دان آزاد ائدیله‌ن تورپاقلاریمیزا یولونوز دوشوبمو؟ دوشوبسه، نه دئدیی‌می گؤزل آنلایارسینیز: او یئرلره آیاق باسماق، گؤز دولوسو گؤرمک، هاواسینی اودماق، وارلیغینی، موجودلوغونو حس ائتمک چوخ فرق‌لی، چوخ تأثیرلی، غیری-عادی، حتی مقدس یاشانتیلاردیر. زهنین ده یئترینجه قاورایا بیلمدیی معجوزوی دویغولار یارادیر آدامدا. ائله بیل باشقا بیر دونیادا، باشقا بیر عالم‌ده‌سن. تزه‌لنیرسن، یئنی‌لنیرسن، سانکی یئنی‌دن دوغولورسان، روحونون قانادلانماسینی جیسمین ده حس ائدیر... بلکه ده محض موجودلوق، وار اولماق حسی بودور!

من بو حسلری آغداما ایلک دفعه قدم باسان‌دا، آغ دامیملا قوجاقلاشان‌دا یاشامیشام... شوشایا هر دفعه سفر ائد‌ن‌ده او قدر قریبه و گؤزل دویغولار یاشاییرام کی، بیلمیرم نئجه ایضاح ائدیم... میستیکادیر سانکی، باخدیغیمیز، گؤردویوموز هر داغ تانری داغی‌دیر سانکی: تانرینی ایلیینه قدر حس ائتمکدیر سانکی...

یعنی هله کی، آدینی قویا بیلمدییم، تامی-تامینا ایفاده ائتمه‌یه چتینلیک چکدییم غیری-عادیلیکلردن سؤز آچیرام. سؤزدن ده داها چوخ انرگتیکادان بحث ائتمه‌یه جهد گؤستریرم. اما امینم کی، بیله‌نلر بیلیر، عاریفلر آنلاییر...

ایول آییندا شوشادا کئچیریلن گلوبال مئدیا فورومونون اجنبی اشتراکچیلارینا باخدیقجا دوشونوردوم کی، گؤره‌سن، اونلار بیزی بیزیم قدر آنلاییرلارمی بو تورپاقلاردا، اسرارنگیز شوشادا، جیدیر دوزونده قلبیمیزدن، روحوموزدان کئچه‌نلری، گؤزوموزدن، کؤنلوموزدن سوزوله‌نلری... اونلارین دا وطنی ایشغال اولونوبمو، ائولری یاغمالانیبمی؟ ۳۰ ایل سونرا قاییداندا ائولرینین یئرینده قاپقارا داش پارچالاری، اوچوق-سؤکوک یئتیم دیوارلاری گؤروبلرمی؟ گؤروبلرسه، نه ائدیبلر، نه دئییبلر، نئجه اووونوبلار؟ یارالاری سیزیلداییبمی، ایچلری گؤینه‌ییبمی، بوغازلاری قورویوبمو؟ موازینتلرینی نئجه ساخلاییبلار حیطلرینده‌کی آغاجلاری قوروموش، کسیلمیش گؤره‌نده؟..

ائله دوشونوردوم کی، آنلامیرلار، آنلامازلار. اما بو گونلرده اجنبی ژورنالیست ریجارداس لاپایتیسین فیسبوک‌دا جیدیر دوزوندن پایلاشدیغی فوتولاری و ائله بو مزموندا یازدیقلارینی گؤره‌ندن سونرا باشا دوشدوم کی، اصلینده آوروپالیلارا دا بللیدیر شوشانین، جیدیر دوزونون فرقلی‌لییی و گؤزل‌لییی، آذربایجان‌لیلار اوچون اؤزل‌لییی، مقدس‌لییی... نئجه گؤزل تصویر ائدیب دویغولاریمیزی، شوشانین بیزه سئوگی و دوغمالیق، جان پارچاسی، ایلاهی عشق کیمی بیر شئی اولدوغونو، جان‌دان دا آرتیق اولدوغونو...

بیلگی‌سایارا دقتله باخیرام. مونیتوردان دونیا گؤزللشدیره‌ن، گونش شعاسی کیمی اطرافی سئوگی سپه‌ن شکیللر بوی‌لانیر...

ویدئولارا باخیرام. آدام بیر بوی اوجالدیغینی حس ائدیر. نه گؤزل، دئییل‌می؟

نه محتشم صحنه‌لردی – دویورسونوزمو؟

اؤنجه‌دن پلانلاشان، سناری قورسان، مشق ائتسه‌ن، بو قدر طبیعی و ایچده‌ن آلینماز: لاچین‌دا کؤرپه اوشاقلار پرزیدنت ایلهام علیئوین و مهریبان خانیمین اوستونه قاچیر و اونلاری او قدر دوغمالیقلا، سئوینجله و صمیمیتله قوجاقلاییرلار کی...

فیلم دئییل بو! سناری هئچ دئییل! بونون آدی سئوگیدیر! بونون آدی او تورپاقلارین اینسانین روحوندا، جانین‌دا، جیسمین‌ده دوغوردوغو اوجالیغین شکیلله‌نمه‌سی‌دیر، ایفاده‌سی‌دیر، گؤرونتوسودور...

انرگتیکا او قدر حیرت آمیز و محتشم‌دیر کی، کؤورلمه‌مک، متصور اولماماق الده دئییل.

سیز ایلهام علیئوین اوز جیزگیلرینه فیکیر وئردینیزمی؟ عظمت، اصالت، فرح و سئوگی یاغیر اوز-گؤزوندن، دوروشوندان. اطرافا یایدیغی انرژی، یاراتدیغی آورا آیدینجا گؤستریر: اوریی ایشیق ساچیر - چاکرالاری آچیلیب؛ گؤزلری سئوگی‌دن بولاق کیمی چاغلاییر... بوتؤولوکده وطنله ایچ-ایچ‌دیر. پرزیدنت او مقام‌دا سؤزون اصل معناسیندا وطن‌دیر، یورددور، اوجاق‌دیر، اوجاق صاحبی‌دیر!

تک دوروشو، باخیشی، وطن سئوگی‌سی، یوردون بوتؤولشمه‌سین‌دن دویدوغو قورورلا بو یوردو بیر داها بؤلونمه‌یه قویمایاجاغینی گؤسته‌رک تکباشینا اوردودور!

غالیبیت نه قدر گؤزل‌دیر، یا رب. غلبه نلره قادیردیر، نه گؤزل‌لیکلر یارادیر! بیز سئودییمیز اینسانلارا عادته‌ن خوش گونلرده نه آرزو ائدیریک؟ ساغلام‌لیق، خوشبخت‌لیک، فیراوانلیق، سئوگی... ائله دئییلمی؟ ایلهام علیئو او وقارلی و عظمت‌لی دوروشویلا، کؤرپه فیدانلاری باغرینا باسماغی، قوجاغینا گؤتورمیی، اؤز بویو برابرینه قالدیرماسییلا هر بیر آذربایجان‌لییا اوجالیق، بوتؤولوک، بیرلیک گؤندریردی.

نه دئدییمی آنلاییرسینیز، ائل‌می؟

اینسان وطنی ایله بوتؤودور، تام‌دیر، واحیددیر. وطنین بیر پارچاسی ایشغال‌دادیرسا، جیسمینین بیر عضوو ده «ایشغال اولونوب» دئمک – باخ بئله: الینین بیری شیکست‌دیر سانکی، ایشله‌ده بیلمیرسن؛ یا آیاغین وار، آنجاق یئرییه بیلمیرسن؛ گؤزون وار، گؤره بیلمیرسن، اوریین وار، اما دایم آریت‌مییادان اذیت چکیرسن...

وطنین بیر پارچاسی ایشغال‌دادیرسا، یئریشین دییشیر، باخیشین دییشیر، اوریین فرح‌لنمیر، قان دورانی پوزولور...

ایشغال دهشت‌لی کومپلئکس‌دیر، آدامی پارچا-پارچا ائدیر. دیکه‌له، دوزه‌له، بوتؤولشه بیلمیرسن. همیشه یاریمچیق حس ائدیرسه‌ن، سانکی بیر یارین، بیر طرفین یا یوخدو، یا بوش‌دو...

ایلهام علیئو او دهشت‌لی، او آمان‌سیز ایشگه‌نجه‌لردن قورتاردی بیزی: جیسمیمیز، روحوموز بوتؤولشدی. بیز ایللرله «ایفلیج اولان» آیاغیمیزین نئجه ساغلام اولدوغونو لاچین‌دا حس ائدیریک؛ بیز ایللرله گؤرمه‌یه‌ن گؤزوموزون نئجه نورلو، ایشیق‌لی اولدوغونو شوشانین عظمتینه باخا-باخا گؤروروک؛ اورییمیزین نئجه فرح‌لندیینی آغدام‌دا دویوروق...

مونیتورا باخیرام. مهریبان خانیمین محبت و خوشبخت‌لیک یاغان گؤزلرینه. اوشاقلاری خصوصی مهریبان‌لیقلا باغرینا باسماغینا. «بو، منیم ان گؤزل آد گونلریم‌دندیر» سؤزلرینی نئجه شوقله، سئوگیله، صمیمیتله، راضی‌لیقلا دئمیینه. او سؤزلری مهریبان خانیمین دیلی ایفاده ائدیر، آنجاق بوتون روحو، قلبی بو سؤزلرین شکلینی گؤز اؤنونه گتیریر...

سئوگینین، سئوینجین شکلی...

مهریبان خانیمین گؤزل‌لییی لاچین‌دا بیر آیری جور پارلاییر، فرق‌لی جور گؤرونور...

بیر مأمور ایشینی، وظیفه‌سینی پئشه‌کارلیقلا گؤره بیلر. اما سئوگیله گؤرمک، وطن ایشینه ایش کیمی یوخ، سئوگی کیمی، عشق کیمی باخماق داها فرق‌لی، داها اوجا بیر مرتبه‌دیر. و بو ایکی اینسانی او مرتبه‌ده گؤرمک اینسانا غرور و گووه‌ن وئریر. اؤزونو تهلوکه‌سیزلیک‌ده حس ائدیرسه‌ن. اؤز ننی‌ینده، اؤز ائوین‌ده، اؤز یوواندا، اؤز یوردوندا... آنلاییرسینیزمی؟

مونیتورا باخیرام. باخماق‌دان دویمورام. بیز بو گونلری، بو آنلاری سون ۳۰ ایلده بلکه ده اوتوز میلیون دفعه آرزو ائتمیشیک، خیال ائتمیشیک، اما ایندی رئال اولاراق گؤزوموزون اؤنونده‌دیر. بیز لاچینی لاچین‌دا بایرام ائدیریک، بیز راحت-راحت دونیانین ان گؤزل گوشه‌سینه - کلبجره گئده بیلیریک، بیز شوشادان، جیدیر دوزوندن شوکرانلیق دعالاریمیزی دونیایا و کایناتا گؤندریریک...

ناغیل کیمی گؤزلدیر، اما ناغیل دئییل، گئرچکلیکدیر...

تانرییا شوکور!