۱۲ گونلوک ایران-اسرائیل محاربه‌سی زامانی ایرانین بعضی قونشو اؤلکه‌لری اسرائیلین پیلوت‌سوز طیاره‌لری، راکتلری و میکرو-درونلارینین اؤز سمالارین‌دا اوچماسینا اجازه وئریب و بو، تهرانین اعتراضی ایله قارشیلانیب.

Axar.az خبر وئریر کی، بونو ایرانین سرحد محافظه‌سینین کوماندانی احمد علی گودرزی، دئییب.

"محاربه زامانی قونشو اؤلکه‌لرین سرحدچیلری ایله دیپلوماتیک امکداشلیق یولو ایله اؤیرندیک کی، اوچ میکرواوتوبوس‌دان اؤلکه‌میز اراضی‌سینه دوغرو کیچیک درونلار بوراخیلیب. همین اؤلکه‌نین سرحدچیلری تئز بیر زامان‌دا حرکته کئچدی، اوچ نفری اؤلدوردو، بیر نئچه‌سینی حبس ائتدی و پیلوت‌سوز طیاره‌لری اله کئچیردی"،- او بیلدیریب.

گودرزی ایرانا قارشی درونلارین بوراخیلدیغی اؤلکه‌نین آدینی چکمه‌دن قونشولارا سسله‌نیب:

"قونشولاریمیز اسرائیلین اونلارین تورپاغین‌دان و یا سماسیندان اسلام رسپوبلیکاسینا قارشی حرکته کئچمه‌سینه امکان وئرمه‌مه‌لی‌دیر".

قید ائدک کی، بوندان اول بعضی ایرانلی سیاست‌چیلر اسرائیلین آذربایجان رسپوبلیکاسینین سماسیندان ایرانا درونلار بوراخدیغی باره‌ده ادعالار ایر‌لی سوروبلر.

ایران پرزیدنتی مسعود پپزشکیان ایسه بو ادعالارین هئچ بیری‌نین ثبوت اولونمادیغینی و حقیقتی عکس ائتدیرمه‌دیینی بیلدیریب.