ونزوئلانین مدافعه ناظری ولادیمیر پادرینو لوپز آمریکانین کاراییب دنیزی رگیونون‌دا آرتان حربی فعالیتینی اساس گتیره‌رک اؤلکه‌ده ۲۰۰ مین عسگرین سفربر ائدیلدیینی بیلدیریب.

Axar.az خبر وئریر کی، بو باره‌ده «حابر۷» معلومات یاییب.

«کارایب دنیزی اراضی‌سین‌ده صلح آمریکا دولت دپارتامنتینین اویدوردوغو یالانلا تهدید ائدیلیر. بو یالان آمریکاداکی جدی داخلی پروبلملردن دقتی یاییندیرماغا حسابلانیب. اونلار ونزوئلایا قارشی یالانلارینی، اویغونسوزلوقلارینی و کینلی هجوملارینی داوام ائتدیره‌جکلر. بیزیم طرفیمیزدن ایسه داها چوخ ایش، بیرلیک، وطنپرورلیک اولاجاقدیر»، - دئیه لوپز قید ائدیب.

اؤلکه مقیاسین‌دا باشلادیلان سفربرلیک ایکی گون داوام ائد‌جک. بوندان سونرا وضعیته اساساً یئنی قیمتلندیرمه آپاریلاجاق.